Taldyqorǵan qalasynda kósheniń qaq ortasynda qoǵamdyq kólik otqa orandy. Avtobýs tolyqtaı janyp ketti. Abyraı bolǵanda zardap shekkender joq, dep habarlaıdy Egemen.kz
Taldyqorǵan qalalyq kólik jáne avtomobıl joldary bóliminiń basshysy Nurbaqyt Altynbekov: «228-shi baǵyttaǵy avtobýs Nazarbaev dańǵylynyń boıynda otqa orandy. Aldyn ala boljam boıynsha, órt symdardyń qysqa tuıyqtalýynan bolǵan. Kólik janyp ketti. Zardap shekkender joq», dedi ol.
Bólim basshynyń aıtýynsha, avtobýs «Transtall» jaýapkershiligi shekteýli seriktestikke tıesili. Qazirgi ýaqytta qyzyl jalynǵa oranǵan kólik atalǵan seriktestiktiń aımaǵyna jetkizilgen. О́rtti tótenshe jaǵdaılar qyzmetiniń mamandary sóndirgen.