Atalǵan oblystyń Eńbekshiqazaq aýdanynda kúrdeli jóndeýden ótken perınataldyq ortalyq saltanatty túrde ashyldy. Is-sharaǵa Densaýlyq saqtaý vıse-mınıstri Tımýr Muratov qatysyp, jańǵyrtylǵan medısınalyq nysan óńir turǵyndaryna sapaly ári qoljetimdi medısınalyq qyzmet kórsetýge múmkindik beretinin atap ótti, dep jazady Egemen.kz.
Jalpy aýmaǵy 10,8 myń sharshy metrdi quraıtyn medısınalyq mekeme «Aýyldyq densaýlyq saqtaýdy jańǵyrtý» ulttyq jobasy aıasynda tolyq jańartyldy. Jóndeý barysynda 2007 jyly salynǵan ǵımarat tolyq rekonstrýksııadan ótti. Atap aıtqanda, ınjenerlik ınfraqurylym jańartylyp, medısınalyq jabdyqtar zamanaýı tehnıkamen almastyryldy. 110 tósek-orynǵa arnalǵan ortalyqta bosandyrý jáne neonatologııalyq kómek kórsetýdiń tolyq sıkli uıymdastyrylǵan. Bul ana men bala densaýlyǵyn qorǵaý júıesin kúsheıtip, óńirdegi medısınalyq qyzmet sapasyn arttyrýǵa múmkindik beredi.
Mamandardyń aıtýynsha, jańartylǵan ortalyq densaýlyq saqtaý salasyndaǵy memlekettik kepildikterdi is júzinde júzege asyrýdyń naqty úlgisine aınalyp otyr.
Jumys sapary barysynda Tımýr Muratov óńirdegi medısınalyq uıymdardyń basshylarymen kezdesý ótkizip, densaýlyq saqtaý salasynyń ózekti máselelerin talqylady. Kezdesýdiń negizgi taqyryby – Konstıtýsııalyq reforma boldy.
Vıse-mınıstr aldaǵy referendýmǵa shyǵarylatyn eldiń Negizgi zańyna engiziletin jańashyldyqtarǵa toqtaldy. Onyń aıtýynsha, Konstıtýsııaǵa engiziletin ózgerister azamattardyń irgeli quqyqtaryn nyǵaıtýǵa, sonyń ishinde sapaly ári qoljetimdi medısınalyq kómek alý quqyǵyn qamtamasyz etýge baǵyttalǵan.
Almaty oblysynyń jastary «Halyqtyq Konstıtýsııa úshin» jalpyulttyq koalısııasyn qoldady
Sapar qorytyndysynda vıse-mınıstr Iаdrolyq fızıka ınstıtýty men Orhun Medical kompanııasynyń ókilderimen kezdesti.
Kezdesý barysynda onkologııalyq aýrýlardy dıagnostıkalaý jáne emdeýge arnalǵan otandyq radıofarmasevtıkalyq preparattar óndirisin damytý múmkindikteri talqylandy. Bul baǵyt óńirde joǵary tehnologııaly medısınany damytýǵa jáne ǵylymdy qajetsinetin óndiristerdi keńeıtýge jol ashýy múmkin.
Mamandardyń pikirinshe, mundaı jobalar eldegi onkologııalyq aýrýlardy erte anyqtaý jáne tıimdi emdeý júıesin damytýǵa serpin beredi.
Koalısııa músheleri Almaty oblysy jurtshylyǵymen júzdesti