Italııa bıligi qatelesip, Lombardııada qatań karantın engizgen. Statıstıkalyq málimet qate jasalǵandyqtan oblys bir apta boıy «qyzyl» aımaqta bolǵan, dep habarlaıdy Egemen.kz
О́ńir úkimeti men ákimshiligi bolǵan oqıǵaǵa bir-birin aıyptap otyr. Rımde Densaýlyq saqtaý ulttyq ınstıtýty Lombardııa bıligi usynǵan aqparatty tekserýge májbúr bolǵan. Al Lombardııa gýbernatory Attılıo Fontana karantın sonyń arqasynda jeńildegenin aıtady.
«Men úkimet bergen aqparatty qaıta qaraý prosedýrasyn bastadym. Biz eshqashan qate málimet bergen emespiz jáne eshqashan bizdegi aqparatty túzegen emespiz», deıdi gýbernator.
Jeksenbide resmı málimet qaıtadan qarastyrylǵannan keıin Lombardııa «sary» aımaqqa oralǵan. Endi óńirde azyq-túlik emes dúkenderdiń jumys isteýine ruqsat berildi. Sonymen qatar, gýbernatordyń sózinshe, dúısenbiden bastap mektepter de ashylady.