Túrkııanyń áskerı-teńiz basqarmasy qarýly qaraqshylar Nıgerııa jaǵalaýynyń Gvıneıa shyǵanaǵynda túrik júk kemesine shabýyl jasap, 15 ekıpaj múshesin tutqyndady, dep habarlaıdy Egemen.kz
Lıberııa týyn ilgen Mozart júk kemesi San-Tome qalasynan 181 shaqyrym jerde, Lagostan Keıptaýnǵa bet alǵan. Sol mańda shabýyldaýshylar 15 teńizshini kepilge alǵany belgili boldy. Al bireýi qaraqshylar qolynan qaza tapqan.
Qaıtys bolǵan azamat Ázerbaıjan týmasy ekeni anyqtaldy, al qalǵan teńizshiler Túrkııadan.
Qazirge deıin keme komandırimen Túrkııa prezıdenti Rejep Erdoǵan eki ret baılanysqa shyqqan. Ol bul prosesti muqııat qadaǵalap otyrǵanyn jetkizdi. Sondaı-aq Erdoǵan urlanǵan keme ekıpajyn qutqarýǵa arnaıy sharalar qabyldaýdy tapsyrdy.
Qaraqshylar keme júıesin isten shyǵaryp, tek portqa jol tabý úshin navıgasııany qaldyrǵan. Qazirgi ýaqytta keme Djentıl Gabon portyna bet aldy.
Halyqaralyq teńiz bıýrosynyń málimeti boıynsha, Nıgerııa, Gvıneıa, Togo, Benın jáne Kamerýn jaǵalaýyn alyp jatqan Gvıneıa shyǵanaǵy álemdegi qaraqshylyq eń kóp bolatyn qaýipti teńiz aımaǵy sanalady.