Keshe Parlament Májilisiniń Tóraǵasy Oral Muhamedjanovtyń jetekshilik etýimen palata bıýrosynyń otyrysy ótti.
Bıýro sheshimine sáıkes sársenbi kúngi jalpy otyrysta “Mádenıet týraly” Zańǵa usynylǵan tolyqtyrýlar boıynsha Májilis pen Senat arasyndaǵy kelispeýshilikterdi eńserý jónindegi kelisim komıssııasynyń usynystary tyńdalatyn boldy. Depýtattardyń talqysyna keıbir zańnamalyq aktilerge elimizdiń elektrondyq úkimetin damytý máselelerin qamtyǵan zań jobasy birinshi oqylymda usynyldy.
Májilistiń jalpy otyrysynyń kún tártibine “Tańbalardy halyqaralyq tirkeý týraly Madrıd kelisimine hattamany ratıfıkasııalaý týraly” zań jobasy engiziletin boldy. Sonymen qatar, “Turǵyn úı qatynastary týraly” Zańǵa ózgerister men tolyqtyrýlar engizý týraly” zań jobasyn talqyǵa salý kózdelip otyr.
“Egemen-aqparat”.