Atyraý qalasynda bopsalaýmen aınalysqan sheteldik áıel ustaldy, dep habarlaıdy Egemen.kz
Oblystyq polısııa departamenti baspasóz qyzmetiniń aqparatyna qaraǵanda, Atyraý qalasynda turatyn 51 jastaǵy áıel bopsalaý týraly aryz túsipti.
«Shaǵymdanýshynyń aryzynda ózge azamatshanyń qorqytyp 50 000 teńge talap etkeni aıtylǵan. О́zbekstan Respýblıkasynyń 32 jastaǵy azamatshasy ǵalamtor jelisine jábirlenýshiniń ıntımdik sıpattaǵy beınejazbalaryn júkteımin dep bopsalaǵan. Kúdikti azamatsha 19 qańtarda Atyraý qalasynyń S.Datov kóshesinde ornalasqan bank fılıalyndaǵy termınaldan talap etken aqshasyn esepshotyna saldyrtqan. Polısııa kúdiktini sol jerde ustady», dep habarlady departamenttiń baspasóz qyzmetinen.
Qazir atalǵan derekke qatysty QR Qylmystyq Kodeksiniń 194-baby 1-bóligimen sotqa deıingi tergeý júrgizilip jatyr.