Bokstan komandalyq álem kýbogi pandemııaǵa baılanysty 2022 jylǵa aýystyryldy. Bul týraly Halyqaralyq boks qaýymdastyǵynyń (AIVA) baspasóz qyzmeti habarlady dep jazady Olympic.kz.
Alǵashynda týrnır 2020 jyldyń qazanynda Reseıde ótedi dep josparlanǵan bolatyn.
«Biz álemdegi koronavırýs indetine qatysty jaǵdaıdy tikeleı baqylaýda ustap, dárigerlermen aqyldasyp otyrmyz. Osy oraıda, týrnırdi 2022 jylǵa aýystyrý týraly usynysty qoldaımyn. Bul bizdiń boksshylardyń densaýlyǵyn saqtaý úshin jasalǵan mańyzdy qadam», - deıdi AIVA prezıdenti Ýmar Kremlev.
Aıta ketelik, týrnırdiń fınaldyq kezeńi Máskeýde ótedi.