Notarıýs qyzmeti jetildirilip, sıfrlandyrylady

Senatorlar notarıat qyzmetteriniń sapasyn arttyrý jáne olardyń qyzmetin alýdyń yńǵaıly bolýyn qamtamasyz etý maqsatynda birqatar jańa ózgeristi maquldady. Bul jańashyldyqtar Par­lament depýtattarynyń bastamasy­men ázirlengen «Qazaqstan Respýblı­kasynyń keıbir zańnamalyq aktilerine notar­ıat máseleleri boıynsha ózgerister men tolyqtyrýlar engizý týraly» zań jobasynda jazylǵan. «Zamanaýı notarıat qyzmetin odan ári normatıvtik retteý úshin qajettilik týyndap otyr. Osy oraıda, negizgi maqsat – notarıat salasynda azamattardyń zańdy múddelerin qorǵaýdyń quqyqtyq júıesin jetildirýdi qamtamasyz etetin tıimdi memlekettik saıa­satty júrgizý.

Jobada «notarıattyq akt» uǵymyn engizý, notarıattyq qupııany reglamentteý, basqarý organdarynyń ókilettikterin naq­tylaý, jańa notarıattyq is-áre­ket­­terdi engizý, elektrondy notarıat qalyptastyrý jáne basqa mańyzdy má­se­­­le bar. Ásirese notarıattyq qyz­metti odan ári sıfrlandyrý óte ma­­­ńyzdy. Notarıattyq qujattardyń elek­trondy nysanda saqtalýyn, esepke alynýy men paıdalanylýyn qamtamasyz etetin elektrondy júıe (repozıtarıı) qurý kózdelip otyr», dedi zań jobasyn tanystyrǵan depýtat Lázzat Súleımen.

Senatordyń aıtýynsha, notarıattyq qujatqa QR kod berilip, osy negizde saqtalady, túpnusqalyǵy rastalady. Bul repozıtarıı 2022 jylǵy 1 qań­tarynan bas­tap júzege aspaq. Biryńǵaı no­tarıattyq aqparattyq júıege máli­met­terdi engizý, qol jetkizý, paıdalaný, qorǵaý tártibin ýákiletti organdar naqty reglamenttep, aıqyndaýǵa tıis. «Zań jobasyna sáıkes notarıýstar notarıattyq áre­ketter jasaýǵa tikeleı baılanysty emes quqyqtyq sıpattaǵy aýyzsha jáne jazbasha konsýltasııalar júrgize alady. Sonymen qatar mámileler jobalaryn, ótinishter men basqa da qujatty ja­saý nysanynda óteýli negizde zań kómegin kórsetý quqyǵy berilip otyr. Osy­laısha, notarıattyq qyzmet túrleri keńeıedi jáne halyqtyń quqyqtyq saýattylyǵynyń artýyna birshama yqpal etedi», dedi depýtat.

Senatordyń aıtýynsha, notarıýs­tar­dyń qyzmetterine shaǵymdardy qaraıtyn Tártiptik komıssııa qurylady. Bul táýelsiz organ Respýblıkalyq nota­rıattyq palatanyń sezinde saılanyp, esep beredi. Komıssııany qalyptastyrý, jazalaý sharalary, sheshimder qabyldaý tártibi zań jobasynda naqty kórse­tilgen. «Qabyldanǵan zań elimizde notarıat ınstıtýtyn odan ári jetildirýdi kózdeıdi. Qazirgi tańda Qazaqstanda bul salada jumys isteıtin tórt myńnan as­tam notarıýs bar. Osy zań halyqqa nota­rıattyq qyzmet kórsetý kezinde sıfr­ly tehnologııalardyń qoldaný aıasyn keńeıtýge múmkindik beredi. Sondaı-aq notarıattyq qyzmetke qoıylatyn talaptardy kúsheıtýge quqyqtyq negizder qalyptastyrady», dedi atalǵan qujatqa qatysty pikir bildirgen Senat Tóraǵasy Máýlen Áshimbaev.

Palata basshysy sonymen qatar no­ta­rıat qyzmeti kezinde adamdar men bız­nestiń quqyqtary men zańdy múd­de­ler­in qorǵaý deńgeıin odan ári arttyrý zań jo­basynyń negizgi maqsaty ekenin atap ótti.

Depýtattar «Qazaqstan Respýblı­kasynyń Úkimeti men Bilim, ǵylym jáne mádenıet máseleleri jónindegi Birikken Ulttar Uıymy (IýNESKO) arasyndaǵy IýNESKO aıasynda Mádenıetterdi jaqyndastyrý halyqaralyq ortalyǵyn (2-sanat) qurý týraly kelisimdi ratıfıkasııalaý týraly» zań jobasyn qabyldady. Osy qujatqa sáıkes elimiz IýNESKO-nyń mádenıet aralyq dıalog salasyndaǵy saıasatyn ázirleýge qatysýǵa múmkindik alady. Al qazirgi «Mádenıetterdi jaqyn­dastyrý ortalyǵy» respýblıkalyq mýzeıi­niń negizinde IýNESKO aıasynda Má­denıetterdi jaqyndastyrýdyń halyq­aralyq ortalyǵy qurylady. «Orta­lyq etnostardyń, mádenıetter men din­derdiń shyǵý tegi salasyndaǵy irgeli jáne qoldanbaly zertteýler júrgizýge, mádenıetaralyq qoǵamdardyń jáne olar­dyń biregeıliginiń qalyptasýyna, beıbitshilik pen turaqty damý múddesinde mádenıetaralyq dıalog qundylyqtaryn tara­týǵa baǵyttalǵan halyqaralyq ynty­maq­tastyqqa arnalǵan biregeı platfor­maǵa aınalady. Mádenıetterdi jaqyn­dastyrý ortalyǵyna IýNESKO-nyń 2-sanaty mártebesin berý elimizdiń ulttyq múddelerine jaýap beredi. Qazaqstan  úshin saıası jáne áleýmettik turǵyda paıdaly, IýNESKO júıesinde bastamalarymyzdy iske asyrýǵa yqpal etedi.

IýNESKO-men jasalǵan kelisimge sáıkes Qazaqstan Úkimeti 2018 jyldan bas­tap jyl saıyn Ortalyqqa onyń baǵ­dar­lamalary men is-sharalaryn iske asy­rý úshin qajetti 200 000 dollarǵa teń mólsherde qarajat bóledi», dedi zań jo­basy jóninde baıandama jasaǵan Máde­nıet jáne sport mınıstri Aqtoty Raıym­qulova.

Sondaı-aq senatorlar Qazaqstannyń Eýrazııalyq ekonomıkalyq odaqqa qa­ty­sýyna baılanysty halyqaralyq qu­jat­tardy da ratıfıkasııalady. «2017 jylǵy 11 sáýirdegi Eýrazııalyq ekonomıkalyq odaq­tyń Keden kodeksi týraly shartqa ózgerister engizý týraly hattamany ratı­fı­kasııalaý týraly» Ulttyq ekonomıka mınıstri Áset Erǵalıev baıandama jasa­dy. «Túzetýler laýazymdy tulǵalar tiz­be­si boıynsha kedendik jete tekserýge qatysty. Bul laýazymdy tulǵalar ataý­la­rynyń zańnamalyq ózgeristerine baılanysty.

Básekelestikti qorǵaý jáne damytý agent­tiginiń tóraǵasy Serik Juman­ǵarın «2014 jylǵy 12 qarashadaǵy Eýra­zııa­lyq ekonomıkalyq komıssııanyń báse­kelestiktiń biryńǵaı qaǵıdalarynyń saq­talýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimge Armenııa Respýblıkasynyń qosylýy týraly hattamany ratıfıkasııalaý týraly» zań jobasyn depýtattarǵa tanystyrdy. «Armenııa Respýblıkasynyń osy kelisimge qosylýy onyń Eýrazııalyq ekonomıkalyq odaqqa múshe-memleketterdiń sýbektilerine qatysty transshekaralyq naryqtardaǵy básekelestiktiń jalpy qaǵıdalarynyń saqtalýyn baqylaý jónindegi Eýrazııalyq ekonomıkalyq komıssııanyń ókilettigin iske asyrýǵa tolyq quqyqty qatysýyn qam­ta­masyz etýge múmkindik beredi», dedi mınıstr.

Saýda jáne ıntegrasııa mınıstri Ba­qyt Sultanov «Bir taraptan Eýra­zııa­lyq ekonomıkalyq odaq pen oǵan múshe memleketter jáne ekinshi taraptan Serbııa Respýblıkasy arasyndaǵy erkin saýda týraly kelisimdi ratıfıkasııalaý týraly» zań jobasyn tanys­tyrdy. «Osy Kelisimdi iske asyrý Eýrazııalyq ekonomıkalyq odaqqa múshe-memleketterde óndiriletin taýarlardy ótkizý naryǵyn keńeıtýge múmkindik beredi. Atap aıtqanda, qazaqstandyq taýarlardyń Serbııaǵa eksportyn ulǵaıtý áleýeti 250 mln dollardy quraıdy. Olar: hımııa jáne munaı-hımııa, mashına jasaý jáne metallýrgııa, tamaq ónerkásibi salalarynyń taýarlary jáne qurylys materıaldary», dedi mınıstr.

Sondaı-aq Baqyt Sultanov Parlament Májilisi maquldaǵan «2014 jylǵy 29 mamyrdaǵy Eýrazııalyq ekonomıkalyq odaq týraly shartqa ózgerister engizý týraly hattamany ratıfıkasııalaý týraly» zań jobasy jóninde de baıandama jasady. Mınıstrdiń aıtýynsha, qujat úsh baǵytty qamtıdy. Atap aıtqanda, básekelestik salasyndaǵy ózgerister, Eýrazııalyq ekonomıkalyq komıssııaǵa energetıka, tehnıkalyq retteý, makro­ekonomıka, básekelestik jáne veterınarııa salalarynda qosymsha ókilettikter berý jáne tehnıkalyq túzetýler.

Senatorlar otyrysta depýtattyq saýaldardy da jarııa etti. Narıman Tóreǵalıevtiń saýalynda Batys Qazaq­stan oblysyndaǵy birqatar aýdandardy sýmen jabdyqtaý máseleleri baıandalǵan. Senator Olga Perepechına bilim berý júıesindegi, onyń ishinde «Kúndelik» portalynyń jumysyndaǵy qıyndyqtar týraly aıtty. Senatorlar Saǵyndyq Luqpanov pen Sergeı Ershov temir jol salasyndaǵy birqatar ózekti máselelerdi kóterdi. Al depýtat Andreı Lýkınlombardtardyń qyzmetindegi quqyq buzýshylyqtar men olarǵa jáne mıkroqarjy uıymdaryna baqylaýdy kúsheıtý qajettigine nazar aýdardy.