Ázerbaıjannyń Agdam aýdanynda Taýly Qarabaqtaǵy atysty toqtatýdy baqylaý boıynsha birlesken Reseı-túrik ortalyǵy jumysyn bastady.
Bul týraly Reseı Qorǵanys mınıstrligi habarlady. Ortalyq quramynda ár taraptan 60-qa deıin áskerı qyzmetshi jumys isteıtin bolady. Sondaı-aq jańa ortalyq taraptardyń áskerı basqarý organdarymen jáne Reseıdiń bitimgershilik kontıngentiniń shtabymen tikeleı baılanysa alady. 30 qańtarda ótken birlesken Reseı-túrik ortalyǵynyń ashylý saltanatyna Ázerbaıjan Qorǵanys mınıstrliginiń basshysy Zakır Gasanov, Reseı Qorǵanys mınıstriniń orynbasary Aleksandr Fomın jáne Túrkııa Ulttyq Qorǵanys mınıstriniń orynbasary Iýnýs Karaosmanoglý qatysty. Baqylaý ortalyǵy Taýly Qarabaqta atysty toqtatý boıynsha aqparatty jınap, jınaqtap, tekserip otyrady.