Qazaqstanda tótenshe jaǵdaıdyń basym bóligi adam kinásinen oryn alady. Bul týraly QR Tótenshe jaǵdaılar mınıstri Iýrıı Ilın aıtty, dep habarlaıdy Egemen.kz
«Tóteshe jaǵdaıdyń basym bóligi mol jaýyn-shashyn túsýine, qardyń jyldam erýine baılanysty keıbir tabıǵı qubylystardy qospaǵanda, negizinen adamnyń kinásinen oryn alady. Adamı faktor basym. Iаǵnı, gıdrotehnıkalyq qurylystardy, arnalardy durys paıdalanbaý, olardyń jumysqa qabiletti ekendigin der ýaqytynda teksermeý, saldaryn joıý úshin naqty sharalar qabyldamaý. Jalpy, Qazaqstanda shamamen 6 myń gıdrotehnıkalyq qurylys bar. Qoldanystaǵy Sý kodeksine sáıkes olarǵa paıdalanýshy uıymdar jaýap beredi», dedi mınıstr.
Onyń atap ótýinshe, atalǵan nysannyń 5 myńnan astamy memlekettik menshikte bolsa, shamamen 900 nysan jergilikti atqarýshy organdardyń, al shamamen 250 nysan jeke menshik qaramaǵynda.
«Zańnama memlekettik bolsa da, jeke qurylymda bolsa da mundaı gıdrotehnıkalyq qurylystardyń jaı-kúıine, durys paıdalanylýyna jáne apattyq jaǵdaılarǵa jol bermeý sharalaryn qabyldaýyna monıtorıng júrgizýdi mindetteıdi», dedi Iýrıı Ilın.