Kókshetaýda áıeldi kólikpen qaǵyp ketken is boıynsha tergeý bir aı ishinde aıaqtalady dep josparlanyp otyr. Bul týraly Ishki ister mınıstriniń orynbasary Sanjar Ádilov habarlady, dep jazady Egemen.kz.
«Tergeý jumystary jalǵasyp jatyr. Biz tergeýdi bir aılyq merzimde aıaqtaýdy josparlap otyrmyz, avtotehnıkalyq saraptama alynǵannan keıin materıaldar sotqa jiberiledi», dedi S. Ádilov.
Eske salaıyq, 9 mamyrda Kókshetaýda áıeldi kólik qaǵyp ketti. Atalǵan fakti boıynsha polısııa qylmystyq is qozǵady. Áıel oqıǵa ornynda jan tapsyrdy.
Kókshetaýda jalǵyzbasty anany qaǵyp óltirgen júrgizýshi ustaldy
Kólikti basqarǵan áıelde júrgizýshi kýáligi bolmaǵan jáne ol avto mektepte oqymaǵan. Kúdiktini úı qamaǵyna aldy. Onyń kúıeýi kólikti basqarýǵa bergeni úshin jaýapqa tartylady. Bul úshin oǵan 5 jylǵa deıin bas bostandyǵynan aıyrý jazasy qarastyrylǵan.