Búgin olar Qazaqstannyń ońtústik astanasyna kele bastaıdy. Úkimet basshylarynyń kezdesýi dárigerlerdiń baqylaýymen ótedi, dep jazady Egemen.kz.
Eske sala ketsek, 5 aqpan, juma kúni Almatyda Eýrazııalyq ekonomıkalyq odaqqa múshe elderdiń úkimet basshylaryn bir shańyraq astynda jınaıtyn jıyn ótedi. Bul pandemııa bastalǵannan beri EAEO elderi úkimet músheleri bas qosatyn alǵashqy halyqaralyq shara.
Eýrazııalyq úkimetaralyq keńestiń otyrysyna Qazaqstan, Reseı, Armenııa, Belarýssııa jáne Qyrǵyzstan úkimet basshylary qatysady dep kútilýde. Olar sondaı-aq «Sıfrlyq Almaty» forýmyna qatysady.
Aldaǵy kezdesý kezinde jýrnalıster bir tildesip qalýdy armandap otyrǵan tulǵa Qyrǵyzstannyń - birinshi vıse-premer – 34 jastaǵy Artem Novıkov.
Aıtpaqshy, jańa vıse-premer týraly qyrǵyz aǵaıyndardyń pikiri oń. Qyrǵyz jýrnalısteri A. Novıkovtyń qyrǵyz tilin jaqsy meńgergenin jazyp jatyr. Keıbir resmı is-sharalarda onyń memlekettik tilde sóıleıtinin kesheli beri biz de baıqap qaldyq.
Búgin keshtetip Almatyǵa jetetin taǵy bir qurmetti qonaq – Belarýssııa úkimetiniń basshysy Roman Golovchenko. Ol respýblıka tarıhyndaǵy onynshy premer mınıstr.
Golovchenko - Halyqaralyq qatynastar mamandyǵy boıynsha Máskeý memlekettik halyqaralyq qatynastar ınstıtýtyn (MGIMO) bitirgen, aǵylshyn, arab, nemis jáne polıak tilderin biledi.
Delegasııa asshylarynyń Almatyǵa kelýi kúndiz 4 aqpanǵa josparlanǵan. QR SIM-niń resmı ókili Aıbek Smadııarov Úkimetaralyq keńeske daıyndyq júrip jatyr, barlyq uıymdastyrýshylyq máseleler sheshilgenin, Eýrazııalyq ıntegrasııa aıasyndaǵy ekonomıkalyq yntymaqtastyqtyń eń ózekti máseleleri kún tártibinde turǵanyn aıtty.
Densaýlyq saqtaý mınıstrligi Eýrazııalyq úkimetaralyq keńestiń otyrysy qatań sanıtarlyq normalar saqtala otyryp ótkiziletinin aıtty.
Qazaqstanǵa keletin delegasııa múshelerine qoıylatyn ortaq talap – maska rejımi men áleýmettik dıstansııany saqtaýy kerek.