Premer-Mınıstr Asqar Mamın Eýrazııalyq úkimetaralyq keńes (EÚAK) otyrysyna jáne «Digital Almaty» forýmyna qatysý úshin Almaty qalasyna kelgen RF Úkimetiniń Tóraǵasy Mıhaıl Mıshýstınmen ekijaqty kezdesý ótkizdi, dep habarlaıdy Egemen.kz.
Taraptar saýda-ekonomıkalyq, qarjy-ınvestısııalyq, energetıka, kólik-logıstıkalyq, geologııalyq, áskerı-tehnıkalyq salalardaǵy, sondaı-aq ónerkásiptik kooperasııa, AО́K, transshekaralyq ózenderdiń sý resýrstaryn paıdalaný jáne qorǵaý salalaryndaǵy ekijaqty yntymaqtastyqty odan ári arttyrý máselelerin talqylady.
Eýrazııalyq ekonomıkalyq odaq formatyndaǵy ózara is-qımyldyń ózekti máseleleri qaraldy.
COVID-19 taralýyna qarsy kúres jónindegi birlesken sharalarǵa jáne eki eldiń ekonomıkasy úshin pandemııa zardaptaryn, onyń ishinde ekonomıkalyq yntymaqtastyqtyń 2021-2025 jyldarǵa arnalǵan keshendi baǵdarlamasyn daıyndaý jáne iske asyrý jolymen joıýǵa erekshe nazar aýdaryldy.
Reseı — Qazaqstannyń negizgi saýda seriktesteriniń biri. 2020 jyly ekijaqty taýar aınalymy $18 mlrd asty.