Osyǵan deıin Qazaqstannyń qazaq kómirin Reseı jeri tasymaldaý týraly usynysyna Reseı únsizdik tanytyp kelgen bolatyn, dep jazady Egemen.kz.
Reseı Federasııasy Eýrazııalyq ekonomıkalyq odaqqa Qazaqstannyń ústinen shaǵym túsirip, temir shıkizaty jetkizilmeı qalǵanynda «Qazaqtar Odaq sharttaryn oryndamaı jatyr» dep birden Qazaqstannyń ústinen EAEO-ǵa shaǵymdandy. Al sarapshylar bolsa reseılik kompanııalar «Shıkizat tasymalyn azaıtý arqyly Qazaqstan daıyn ónim eksportyn ósiredi» dep qaýiptenetinin, naryqta olarǵa básekeles kerek emes ekenin eskertip kelgen bolatyn.
О́tken jyldar ishinde Qazaqstan Reseıge jylyna 1 mln tonna rýdany turaqty túrde berip otyrǵan. Biraq 2020 jyly jaǵdaı ózgerdi – bar bolǵany 300 myń tonna ǵana satyppyz. Biraq qara metall tasymaly toqtaǵanymen, daıyn bolat ónimderi qaz-qalpynda jetkizile beripti. Indýstrııa jáne ınfroqurylymdyq damý mınıstrligi bolsa, tasymalǵa tyıym salynbaǵanyn aıtady. Tek kólikpen ǵana tasýǵa bolmaıdy eken.
– Qara jáne tústi metall qaldyqtarynyń eksportyna qatysty ózge tyıymdar joq. Metallýrgııa – Qazaqstan ekonomıkasynyń negizgi salalarynyń biri. El ekonomıkasyna qatty keri áser etken koronovırýsqa baılanysty paıda bolǵan jaǵdaıdy esepke ala otyryp, otandyq kásipkerlerdi qoldap, olardyń irkilisterin azaıtý – mańyzdy shara», - deıdi Indýstrııa jáne ınfraqurylymdyq damý mınıstrliginiń resmı ókili Madııar Ýaqpaev.
Úkimet birinshi orynǵa otandyq kásiporyndardy qoıyp otyrǵany belgili. Sebebi ishki qajettilikti qanaǵattandyrmaı, syrtqa rýda tasý qısynsyz. EEK músheleriniń tórt kózi túgel otyrǵanda osy máseleni kún tártibine shyǵaryp, jaýap alyp qalýǵa tyrystyq.
EEK Ishki naryqtar, aqparattandyrý, aqparattyq jáne kommýnıkasııalyq tehnologııalar jónindegi Alqa Múshesi (Mınıstr) Gegam Vardanıan naq osy máselege kelgende joqqa shyǵaratyn eshteńe joq dep jaýap berdi. G: Vardanıan bul másele 2018 jyldan beri talqylanyp kele jatqanyn, temir synyqtaryn kólikpen emes, temir jol tasymaly arqyly tasymaldansyn degen buıryq shyqqan soń máseleniń jańa sıpatqa ıe bolǵanyn aıtty. Bul, mınıstrdiń baılamy boıynsha sheshimi uzaq ýaqytty alatyn kúrdeli problemalardyń biri eken.
– Kómir tranzıti týraly áńgime bolǵan kezde, bul másele, onyń ishinde múddeli taraptardyń suranysy boıynsha, birneshe ret keıinge shegerildi. Kelissózder júrip jatty, másele ekijaqty deńgeıde talqylandy. Basymdyqtar joq, tek suraqtar ár túrli jáne ár túrli kúrdelilikke ıe. Sondyqtan bul máseleni áli de bolsa zertetý kerek. Sonymen qatar, elderdiń ózi konsýltasııalar ótkizýdi jıi suraıdy, bul ýaqytty alady », - dep jaýap berdi Basqarma múshesi.
Ol sondaı-aq tıimdilik úshin túzetýler men ýaqyt shekteýleri engizilgeni týraly eskertip ótti.
– Men jaqynda biz jańa jumys ádistemesin júzege asyrǵanymyzdy atap ótkim keledi. Bizge 70 kún ishinde kelip túsetin suraqtar keńestiń qaraýyna usynylýy kerek. Jumys barysy kezinde eshqandaı alalaýshylyq, problemalardy joqqa shyǵarýshylyq ta bolmaıdy bolmaıdy. Sondaı-aq eshqandaı alalaýshylyq bolmaıdy, sáıkesinshe joqqa shyǵaratyn eshteńe de joq, dep túıindedi mınıstr.