Eýrazııalyq Damý Bankinde (EDB) Eýrazııalyq ekonomıkalyq odaqtyń (EAEO) sıfrlyq quzyrettilik ortalyǵy qurylady. Bul usynysty Qazaqstannyń Premer-Mınıstri, EADB Keńesiniń tóraǵasy Asqar Mamın «Sıfrlyq Almaty» forýmy kezinde jasady. Ony barlyq EAEO elderiniń úkimet basshylary qoldady, dep jazady Egemen.kz .
EDB Basqarma tóraǵasy Nıkolaı Podgýzov Eýrazııalyq damý banki mundaı mıssııaǵa tolyqtaı daıyn ekenin aıtty. Qazirdiń ózinde sıfrlyq tehnologııalar salasyndaǵy kásibıligimizdi tanyttyq.
-Biz EAEO sıfrlyq ıntegrasııasy úshin ne qajet ekenin jáne ony qalaı júzege asyrý kerektigin túsinemiz, - dedi EDB Basqarma tóraǵasy Nıkolaı Podgýzov.
Buǵan deıin Nıkolaı Podgýzov EAEO «saıası ambısııalarsyz» ekonomıkalyq odaq bolyp qala ala ma degen suraqqa da jaýap bergen.
– Bizdiń esimizde, Eýrazııalyq Odaq ıdeıasy birinshi ret 1994 jyly 29 naýryzda Máskeý memlekettik ýnıversıtetinde Qazaqstannyń Tuńǵysh Prezıdentiniń sóılegen sózinde eń joǵary deńgeıde aıtyldy, – dedi Nıkolaı Podgýzov.