Premer-Mınıstr Asqar Mamın Eýrazııalyq úkimetaralyq keńeste sóılegen sózinde eldiń EAEO-ǵa tóraǵalyq etý jylyndaǵy nazary birinshi kezekte óndiristik kooperasııany damytý boıynsha jumysty kúsheıtýge baǵyttalatynyn aıtty, dep habarlaıdy Egemen.kz.
Asqar Mamın bizdiń mindetimiz - elderimizdiń básekelestik artyqshylyqtarynyń áleýetin tolyǵymen iske asyrý, kóbirek mobıldi óndiristik kapıtal úshin kúreske qatysý jáne jańa bloktyń paıda bolatyn qundylyqtar tizbegine óz blogymyzdy qosý ekenin aıtty.
– Prezıdent Qasym-Jomart Toqaev atap ótkendeı, biz EAEO aıasyndaǵy óndiristik yntymaqtastyqtyń negizgi baǵyttaryn tolyǵymen qaıta qarap, jańartýymyz kerek, – dedi Premer-Mınıstr.
Eske salaıyq, 5 aqpanda Qazaqstannyń ońtústik megapolısinde sıfrlyq Almaty forýmy, sondaı-aq Eýrazııalyq ekonomıkalyq odaqtyń úkimetaralyq keńesiniń otyrysy ótti. Oǵan Odaq úkimetiniń basshylary, EEK mınıstrleri, sondaı-aq EAEO elderi - Moldova, О́zbekstan jáne Kýbadan baqylaýshylar qatysyp jatyr.