Fýtboldan Qazaqstan jasóspirimder quramasy Mınskide (Belarýs) uıymdastyrylǵan halyqaralyq «Damý kýbogy» týrnırine qatysyp, júldeli ekinshi orynǵa ıe boldy.
Jarystyń tusaýkeser kezdesýinde Tájikstan quramasynan 7:1 esebimen ońbaı jeńilgen jerlesterimiz keıingi eki oıynda jeńiske jetip, jankúıerlerin qýantty. Ekinshi týrda bizdiń jigitter jarys qojaıyndary – Belarýs quramasyn 4:2 nátıjesimen tize búktirse, sońǵy týrda moldovalyq qurdastarynyń qaqpasyna jaýapsyz 5 gol soqty.
Jarys qorytyndysy boıynsha eki oıynda jeńiske jetip, bir oıynda jeńilgen Qazaqstan jasóspirimder quramasy halyqaralyq týrnırdiń kúmis júldesine ıe boldy. Al birde-bir oıynda jeńilmegen Tájikstan fýtbolshylary «Damý kýbogynyń» bas júldesin qanjyǵasyna baılady.