Oblystyq polısııa departamenti baspasóz qyzmetiniń aqparatyna qaraǵanda, 4 aqpannan beri «Qarý» jedel profılaktıkalyq is-sharasy ótkizilip jatyr. Úsh kúnde saqtaý, tirkeý erejelerin buzǵan 100-ge jýyq turǵynnyń qarýy tárkilendi, dep habarlaıdy Egemen.kz
«Is-sharanyń maqsaty – Atyraý oblysynyń aýmaǵynda qarý men oq-dárilerdi zańsyz satyp alý, jetkizý arnalaryn anyqtaý. Sondaı-aq, qarýdyń saqtalýyn, tirkelýin, qaıta tirkelýin tekserý. Tek úsh kúnde 2000-nan astam azamattyq qarý ıeleri tekserildi. Nátıjesinde, 100-ge jýyq turǵynnyń qarýdy saqtaý, tirkeý, tasymaldaý erejelerin buzǵany anyqtalyp, olar ákimshilik jaýapkershilikke tartyldy. Olardyń úıinde saqtalǵan qarýy tárkilendi», dep habarlady departamenttiń baspasóz qyzmeti.
Al zańsyz aınalymnan bes qarý anyqtalyp, ballıstıkalyq saraptama taǵaıyndalyp otyr.