Shymkent qalasynyń Kásipkerlikti qoldaý Kartasy aıasynda "Lux Shoes" JShS taban men qalyptardy óndirý fabrıkasyn iske qosty. Zaýyttyń qýaty EVA materıalynan 250 jup taban, termodan 350 jup taban jáne 150 jup taban kaýchýkten shyǵarýǵa múmkindigi bar, dep habarlaıdy Egemen.kz.
Aıaq kıim óndiretin otandyq kásiporyn "LUX Shoes" JShS 2018 jyldyń tamyz aıynan bastap Shymkent qalasy Eńbekshi aýdanynyń "Ońtústik" arnaıy ekonomıkalyq aımaǵynyń aýmaǵynda jumys isteıdi. Jobaǵa salynǵan ınvestısııa somasy 400 mln teńgeni qurady, fabrıkada 40 adam eńbek etedi.
Sonymen qatar, 2020 jyldyń basynda kásiporynda balalar, erler jáne áıelderdiń aıaq kıimderine arnalǵan qalyptar men tabandar, sondaı-aq arnaıy maqsattaǵy aıaq kıimderge arnalǵan tabandar óndirisi jolǵa qoıyldy. "Qarapaıym zattar ekonomıkasy" baǵdarlamasy aıasynda óndiristi keńeıtýge 290 mln teńge bólindi jáne jergilikti turǵyndar úshin qosymsha 10 jańa jumys orny quryldy.
Shyǵarylatyn ónim assortımentinde erler aıaq kıiminiń 30-dan astam modeli bar (etik, báteńke, týflı, sandalıı, sporttyq aıaq kıim jáne basqalar). Aıaq kıimniń barlyq modelderi taza bylǵarydan jasalǵan jáne joǵary beriktikke ıe. Aıaq kıim tabanyn daıyndaý prosesinde mynadaı materıaldar paıdalanylady: EVA, termo jáne kaýchýk.
О́z kezeginde, arnaıy ekonomıkalyq aımaqtyń daıyn ınfraqurylym túrindegi jeńildikteri men preferasııalary, jerge, múlikke salyqtardan, korporatıvtik tabys salyǵynan bosatý, ımporttyq QQS-tan bosatý, ımporttalatyn shıkizat pen jabdyqqa kedendik bajdar kásiporynnyń turaqty damýyna jáne naryqty otandyq óndiristiń básekege qabiletti ónimderimen toltyrýǵa múmkindik beredi.