Maqtaaral APB-ne jergilikti turǵyn aryzdanyp, ushty-kúıli joǵalǵan qyzyn taýyp berýge kómek berýin suraǵan. Anasynyń aıtýynsha, 17 jastaǵy qyzy túski ýaqytta úıinen syrtqa shyǵyp ketip oralmaǵanyn aıtqan, dep habarlaıdy Egemen.kz Polisia.kz saıtyna silteme jasap.
Qyzdyń ata-anasy jasóspirimdi ózderi kúni boıy izdep, taba almaıdy. Nátıje shyqpaǵannan keıin olar polıseılerge habarlaıdy. Aqparat alysymen Maqtaaral aýdandyq polısııa bóliminiń qyzmetkerleri birden kámelet jasyna tolmaǵan qyzdy izdeýge kirisedi. Onyń barýy múmkin jerlerdi tekserip, habarlasýy múmkin dos-qurbylarynan jaýap alady. Týystarynan surastyrady. Joǵalǵan qyzdy tabýǵa qajetti barlyq sharalardy iske asyrady. Sonyń nátıjesinde qyz Nur-Sultan qalasyndaǵy kóshelerdiń birinen tabyldy. Maqtaaral qalasyna jetkizilip, ata-anasyna tapsyryldy.
Tekserý barysynda anyqtalǵandaı, jasóspirim qyz óziniń sóılesip júrgen jigitimen Nur-Sultan qalasyna birge ketken. О́z kezeginde qyzynyń din-aman tabylǵanyna qýanǵan anasy polıseılerge alǵysyn bildirdi.
– Sizderdiń arqalaryńyzda qyzym aman-esen tabyldy. Jedel áreket ettińizder. Biz sonsha izdep, taba almaǵan qyzymyzdy bir sátte taýyp berdińizder. Sizderge úlken raqmet! Jumystaryńyzǵa tabys tileımin!, – dep atap ótti.
Túrkistan oblysynyń polıseıleri barsha ata-analarǵa kámeletke tolmaǵan ul-qyzdarymen ótpeli kezeńde túsinistikpen tildesip, olarmen dos bolýǵa shaqyrady. Jasóspirimderge úlkenderdiń ruqsatynsyz úıden alys ketpeý kerektigin únemi eskertip otyrý qajettigin alǵa tartady.