Nur-Sultan qalasyndaǵy «QAZAQSTAN» jańa jeńil atletıka kesheninde jeńil atletıkadan «Nur-Sultan Open 2021» ashyq chempıonaty ótedi, dep habarlaıdy Egemen.kz qala ákimdiginiń resmı saıtyna silteme jasap.
2021 jyldyń 12-13 aqpanynda atalǵan sport kesheninde jasy úlken jáne jasy kishi jasóspirimder arasynda jeńil atletıkadan «Nur-Sultan Open 2021» ashyq chempıonatynyń jalaýy jelbireıdi. Is-sharanyń saltanatty ashylýy 12 aqpan kúni saǵat 12:00-de ótedi.
Akkredıtteý 11 aqpanǵa deıin myna elektrondyq mekenjaı arqyly qabyldanady: sultan.nurekenovich@gmail.com.
Bul chempıonat jańa keshen qabyrǵasyndaǵy alǵashqy sporttyq is-shara bolmaq. Jarysqa Qazaqstannyń túkpir-túkpirinen 170-ten astam sportshy qatysady.
Aıta keteıik, jańa keshen ótken jyldyń qarasha aıynda ashylǵan bolatyn. Ol halyqaralyq talaptardyń bárine sáıkes keledi jáne World Athletics sertıfıkatyn alǵan. Zamanaýı joǵary tehnologııalarmen jabdyqtalǵan baza sportshylardyń respýblıkalyq jáne halyqaralyq jarystarǵa, álem chempıonaty men jazǵy olımpıada oıyndaryna daıyndalýyna múmkindik beredi.