“Estýshi memleket” qaǵıdatyn júzege asyrý aıasynda departamentte azamattardyń ótinishterin jedel qaraý úshin arnaıy bólim qurylady, dep habarlaıdy Egemen.kz Polisia.kz saıtyna silteme jasap.
– Osy modeldiń pılottyq jobasy bir jyl buryn Qaraǵandy oblysynda bastaldy. Olardyń mysalyna súıene otyryp, qalanyń eki aýdanynda osyndaı modeldi pılottyq joba retinde engizý josparlanýda: Alataýda – jeke sektorda jáne Bostandyqta – turǵyn úı kesheninde. Elbasynyń tapsyrmasy aıasynda biz Ákimdikpen birge ýchaskelik polısııa ınspektorlarynyń qyzmetin jetildirýdiń úsh jyldyq josparyn quryp jatyrmyz. Bul jospar ýchaskelik polısııa ınspektorlarynyń jumysy men turmystyq jaǵdaılarynyń barlyq aspektilerin qamtıdy. Jospardyń artyqshylyqtarynyń biri – ýchaskelik polısııa ınspektorlary ózderiniń qyzmet kórsetiletin ákimshilik aımaǵynda turatyn bolady, bul azamattardyń ótinishterine jedel jaýap berýge múmkindik beredi, – dedi Almaty Polısııa departamentiniń bastyǵy Qanat Taımerdenov qala turǵyndarynyń aldynda esep berý kezindegi sóılegen sózinde.
2020 jyly barlyq aǵa ýchaskelik ınspektorlar halyq arasynda senimdilikti, qoljetimdilikti jáne tanymaldylyqty arttyrý maqsatynda, “polısııa jaqyn mańda” qaǵıdatyn júzege asyrý maqsatynda “Facebook” áleýmettik jelisine tirkeldi. Qazirgi ýaqytta 365 myńnan astam azamat jazylǵan. Olar sondaı-aq, “WhatsApp” messendjeriniń PIK chattaryna engizilgen, munda ákimshilik aımaqtaǵy turǵyndardan ártúrli problemalyq suraqtar túsedi, bul PIK-pen tyǵyz qarym-qatynas ornatýǵa jáne suranystarǵa tez jaýap berýge múmkindik beredi.
– Joǵaryda atalǵan sharalardan basqa, ishki ister organdaryn jańartý maqsatynda 2021 jyly Polısııa departamenti kelesi basym mindetterdi belgiledi, olardyń oryndalýy jedel ortany jaqsartýǵa jáne quqyq buzýshylyqtyń aldyn alýǵa múmkindik beredi. Birinshiden, “Estýshi memleket” qaǵıdatyn júzege asyrý aıasynda Departamentte azamattardyń ótinishterin jedel qaraý úshin arnaıy bólim qurylady. Ekinshiden, úsh deńgeıli sot tóreligi júıesin engizý úshin biz qylmystyq isterdiń 60%-yn tergeýdiń elektrondyq formatyna ótkizemiz. Úshinshiden, bıyl jańa formaǵa kóshý júzege asyrylady. Birinshi kezekte, ózgeris syrtqy qyzmetterge áser etedi. Tórtinshiden, biz qylmystyń aldyn alý, qylmystyń ósýine jol bermeý jumystaryn jalǵastyramyz. Osy maqsattar úshin qylmystyq qaýipti aımaqtardaǵy jaıaý patrýldik jasaqtar men modýldik posttardyń sanyn kóbeıtýdi josparlap otyrmyz, – dedi Qanat Taımerdenov.