«Nur Otan» partııasynyń elordalyq máslıhattaǵy fraksııasynyń Nur-Sultan qalasy boıynsha 2021 – 2025 jyldarǵa arnalǵan Saılaýaldy baǵdarlamany iske asyrý boıynsha Jol kartasyn talqylaý jınalysy ótti, dep habarlaıdy Egemen.kz.
Jınalys jumysyna partııanyń qalalyq fılıaly tóraǵasy, Nur-Sultan qalasynyń ákimi A.S. Kólginov qatysty.
Jol kartasyn talqylaýǵa máslıhat depýtattary T.M. Nárikbaev, D.S. Baıserkına, G.Á. Japarova, A.M. Ábdyrov, A.S. Aıthojın jáne máslıhat hatshysy E.E. Kanalımov qatysty.
2020 jylǵy qarasha aıynda bekitilgen Saılaýaldy baǵdarlamanyń negizi - saılaýshylardyń tilekteri men elorda turǵyndaryn mazalaıtyn ózekti máselelerden quralǵan. Bul qujat bizdiń qoǵamnyń barlyq bólikterin qamtydy.
Bizdiń azamattardyń densaýlyǵyna erekshe mán berildi - bul negizgi basymdyq. Jýyq besjyldyqta 30 dárigerlik ambýlatorııalar, kópsalaly emhana men perzenthana salynady.
Partııanyń saılaýaldy baǵdarlamasynda kórsetilgen mańyzdy mindettiń biri, balalardy qoljetimdi jáne sapaly bilimmen qamtamyz etý. Osy maqsatta 50 jańa mektep salynady.
Nur-Sultan ómir súrý úshin jaıly qala bolý kerek. Osy oraıda, 500 aýlanyń jóndeý jumystaryn jasaý jáne abattandyrý josparlanýda.
Elorda turǵyndaryn tolǵandyratyn ózekti másele qatarynda qoljetimdi baspanamen qamtamasyz etý bolyp tabylady. Bul máseleni sheshý maqsatynda jyl saıyn 10 myń páter salyný josparlanýda.
Bul shyn máninde bizdiń qalamyzdyń 5 jyldyq damý jospary ekenin Jol kartasy kórneki túrde kórsetti. Depýtattar Jol kartasynyń árbir tarmaǵyna naqty depýttaty, fraksııa múshesin bekitý týraly sheshim qabyldady.
«Nur Otan» partııasynyń saılaýaldy baǵdarlamasy joǵarydan tómenge emes, kerisinshe Praımerız arqyly, «Esikten esikke» aksııasy arqyly qalamyzdyń turǵyndarynan tilekter men, usynystaryna súıene otyryp jasadyq. Partııa qalalyq baǵdarlamada TOP-10 máseleni anyqtady. Endigi ýaqytta Biz osy saılaýaldy baǵdarlamamyzdaǵy TOP-10 máseleni sheshý úshin 13 baǵyttan, 107-den astam tarmaqtar men bólimshelerden turatyn naqty ister Jol kartasyn iske asyramyz. Biz qalalyq saılaýaldy baǵdarlamamyzdyń tolyq iske asyrýǵa, ondaǵy ındıktorlarǵa qol jetkizýdi máslıhattaǵy fraksııamyz arqyly qamtamasyz etemiz», dedi «Nur Otan» partııasy Nur-Sultan qalalyq fılıaly tóraǵasynyń birinshi orynbasary Dáýlet Káribek.