Prezıdent Ákimshiliginiń kelisimi boıynsha Alýa Serikqyzy Joldybalına QR Prezıdentiniń janyndaǵy Qazaqstan strategııalyq zertteýler ınstıtýty dırektorynyń orynbasary qyzmetine taǵaıyndaldy, dep habarlaıdy Egemen.kz
A.S.Joldybalına 1978 jyly týylǵan, qazaq. 2002 jyly E.A.Bóketov atyndaǵy Qaraǵandy memlekettik ýnıversıtetin «Saıasattaný» mamandyǵy boıynsha bitirgen. 2004 jyly L.N.Gýmılev atyndaǵy Eýrazııa ulttyq ýnıversıtetiniń magıstratýrasyn, al 2010 jyly doktorantýrasyn aıaqtaǵan.
«Saıasattaǵy analıtıkalyq ortalyqtar: álemdik tájirıbe jáne Qazaqstan» taqyrybynda dıssertasııa daıyndap, qorǵady. Saıasattaný ǵylymdarynyń PhD doktory. 2013 jyly University of East Anglia ýnıversıtetinde (Ulybrıtanııa) «Saıası tehnologııalar» mamandyǵy boıynsha taǵylymdamadan ótti.
Eńbek jolyn 2003 jyly S.S. Seıfýllın atyndaǵy Qazaq agrarlyq ýnıversıtetiniń fılosofııa kafedrasynyń oqytýshysy bolyp bastaǵan. L.N.Gýmılev atyndaǵy EUÝ Saıasattaný kafedrasynyń oqytýshysy jáne dosenti bolyp jumys istedi.
2008 jyldan 2009 jylǵa deıin ol Qazaqstan Respýblıkasy Qorǵanys mınıstrligi Áskerı-strategııalyq zertteýler ortalyǵynyń Strategııalyq zertteýler departamentiniń dırektory qyzmetin atqardy. 2014 jyly konkýrs boıynsha ol Qazaqstan Respýblıkasy Prezıdenti janyndaǵy QSZI-ǵa ǵylymı qyzmetker bolyp qabyldandy jáne birtindep aǵa jáne bas ǵylymı qyzmetker laýazymdaryna taǵaıyndaldy.
2016 jyldyń mamyr aıynan bastap QSZI negizgi qurylymdarynyń biri – Áleýmettik-saıası zertteýler bóliminiń (ÁSZB) ǵylymı-taldamalyq jáne uıymdastyrýshylyq qymetine basshylyq jasap keledi.
Alýa Joldybalına – elimizge tanymal sarapshy-saıasattanýshy, buqaralyq aqparat quraldarynda qazaq jáne orys tilderinde belsendi suqbat berip, ǵylymı-zertteý jáne pedagogıkalyq qyzmetpen jemisti aınalysady, otyzdan astam jarııalanymdardyń, monografııalardyń, sondaı-aq ǵylymı jobalardyń, ujymdyq kitaptar men oqý quraldarynyń avtory. Kadrlyq ózgeristerge baılanysty Áleýmettik-ekonomıkalyq zertteýler bóliminiń bastyǵy Kárimova Janna Kárimqyzy Áleýmettanýlyq zertteýler bóliminiń bastyǵy bolyp taǵaıyndaldy.
J.K.Kárimova – «Áleýmettaný» mamandyǵy boıynsha Ph.D, ál-Farabı atyndaǵy Qazaq ulttyq ýnıversıtetiniń fılosofııa jáne saıasattaný fakýltetin, Lıýmer Lıon-2 ýnıversıtetiniń (Fransııa) magıstratýrasy jáne doktorantýrasyn bitirgen, ujymdyq monografııalardyń, ádistemelik oqýlyqtardyń, 40-tan astam ǵylymı jarııalanymdardyń avtory, memlekettik jastar saıasaty, halyqtyń ómir súrý sapasy men deńgeıin baǵamdaý salasy boıynsha 30-dan astam sosıologııalyq zertteýlerdi uıymdastyrýǵa jáne ótkizýge atsalysqan.