Elordadaǵy «Dıplomat» qonaq úıinde «Qazaqstan» ulttyq arnasynyń 2013 jylǵy televızııalyq maýsymy qorytyndylandy. Ulttyq arnanyń aıryqsha jobalary atap ótilip, joba avtorlary men prodıýserleri, rejısserler men akterler marapattaldy.
Elordadaǵy «Dıplomat» qonaq úıinde «Qazaqstan» ulttyq arnasynyń 2013 jylǵy televızııalyq maýsymy qorytyndylandy. Ulttyq arnanyń aıryqsha jobalary atap ótilip, joba avtorlary men prodıýserleri, rejısserler men akterler marapattaldy.
Sońǵy jyldary «Qazaqstan» RTRK» aksıonerlik qoǵamy otandyq ónimderdi damytý jolyna bet buryp keledi. Onyń ishinde otandyq serıaldar túsirý ulttyq arna ujymynyń eńbegin jańa bir beleske kótergendeı. Bıylǵy qarasha aıynan bastap arna koreı jáne túrik telehıkaıalarynan tolyqtaı bas tartyp, tek otandyq ónimderge bet burǵany barshaǵa málim. Bul oraıda «Qazaqstannyń» habar taratý kestesine aıtarlyqtaı ózgeris enip, otandyq telehıkaıalardyń sany artty desek, saltanatty marapattaý rásiminde osy iske belsene aralasyp, laıyqty úles qosyp júrgen adamdar qurmetke bólendi.
Bıylǵy maýsymdy qorytyndylaǵan «Qazaqstan» ulttyq arnasynyń basshysy Nurjan Muhamedjanova telearna otandyq serıaldar túsirýdi 2009 jyly qolǵa alǵanyn, sodan beri búginge deıin túsirilgen telehıkaıalardyń uzyn sany 30-ǵa, al, jalpy ulttyq arnanyń ónimi 628-ge jetkenin aıtty. «2010 jyly ekranǵa jalpy sany 84 bólimnen turatyn eki telehıkaıa shyqsa, 2011 jyly kórermender nazaryna jeti telehıkaıa usynyldy. 2012 jyly telearna telehıkaıalardyń sanyn 14-ke jetkize otyryp, otandyq ónim kólemin eki esege arttyrdy. Ulttyq arna ártúrli baǵyttaǵy taqyryptardy qamtyp qana qoımaıdy. Elimizdiń jetken jetistikterin, syndarly saıasatyn ultjandylyqpen, otanshyldyqpen júzege asyryp otyr. Bul oraıda shyǵarmashylyq ujymnyń eńbegi óte nátıjeli. Biraq, jaqsy ónimderdi elge usynýda tek shyǵarmashylyq ujymnyń eńbegi jetkiliksiz bolar edi. Biz úlken-úlken ujymdarmen, prodakshn stýdııalarmen birge eńbek etemiz. Jańa jyldyń qarsańynda ózara áriptestikte birge eńbek etken shyǵarmashylyq adamdaryna alǵys aıtqandy jón kórip otyrmyz», – dedi telearna basshysy.
Saltanatty marapattaý rásiminde qazaq ádebıetiniń klassıkalyq týyndysyn alǵash ekrandaǵany úshin «Ápke» telehıkaıasyn túsirýshi shyǵarmashylyq top, jastar taqyrybyn kreatıvti kózqarasta kórsetkeni úshin «Dostar» sıtkomy, kreatıvti rejısserlik sheshim atalymy boıynsha «Suńqar» telehıkaıasynyń rejısseri Jantaı Qydyrálıev, tarıhı tulǵalar taǵdyryn sátti shyǵarǵany úshin «Ult maqtanyshy» derekti fılmi, anımasııa salasynda tárbıelik taqyrypty ashqany úshin «Álı men Aııa» mýltfılmi, balalarǵa arnalǵan tanymdyq serıal atalymy boıynsha «Tompaq» telehıkaıasy úzdik dep tanylyp, marapatqa ıe boldy. Sonymen qatar, áskerı-patrıottyq tárbıeni damytýǵa úles qosqany úshin «Kók tarlandary», ustaz mamandyǵyn dáriptegeni úshin «Ustaz», dáriger mamandyǵyn dáriptegeni úshin «Jedel járdem», bólimshelik polıseılerdiń jumysyna eldiń senimin nyǵaıtýǵa úles qosqany úshin «Aýyl saqshysy», dene tárbıesi men sportty nasıhattaǵany úshin «Olımp shyńy» telehıkaıasy jeńimpaz dep tanyldy.
«Egemen-aqparat».