Halyqpen onlaın-formatta ótip jatqan eseptik kezdesýde qala ákimi Baqytjan Saǵyntaev megapolıs shetindegi ınfraqurylymdyq damýdyń jalǵasatyny týraly habarlady, dep jazady Egemen.kz.
Qolda bar resýrs pen kúshtiń edáýir bóligi koronavırýsqa qarsy is-qımylǵa jumsalǵanyna qaramastan 2020 jyly Almatyny damytýdyń basym baǵyttary boıynsha jumys toqtaǵan joq. Qala shetindegi ınfraqurylymdy jaqsartý úshin «Jańa Almatyny» damytýdyń 5 jyldyq keshendi jospary qabyldandy. 200 mlrd teńgege 504 jobany iske asyrý bastaldy.
«Pandemııanyń ekonomıkaǵa tıgizgen qysymyna qaramastan, biz «Shetsiz qala» qaǵıdaty boıynsha damýdy jalǵastyrdyq. О́zderińiz biletindeı, bul meniń túbegeıli tańdaýym. Men osy baǵytta jumysty jalǵastyramyn. Árbir almatylyq turǵylyqty jerine qaramastan teń ómir súrý standartyna ıe bolýy tıis», dedi qala ákimi Baqytjan Saǵyntaev.
Qalaǵa qosylǵan yqshamaýdandardyń ınjenerlik ınfraqurylymyn damytý sheńberinde 2020 jyly 50 myńnan astam adamdy qamtıtyn 300 shaqyrym sý qubyry men káriz jelileri salyndy. 16,1 shaqyrym jylýmen jabdyqtaý jelileri qaıta jańartyldy. Almatynyń tórt aýdanyn 100 paıyz qamtı otyryp, qala shetindegi kóshelerge jaryq júıesi júrgizildi. 42,8 shaqyrym jol salynyp, 219,1 shaqyrym jol jóndeldi. Uzyndyǵy 86 shaqyrymǵa jetetin jaıaý júrginshiler joly jóndeldi.
Bıyl «Jańa Almaty» keshendi jospary aıasynda ınjenerlik jáne kólik ınfraqurylymyn damytý jalǵasady. 40,4 shaqyrym jańa jol salynyp, 200 shaqyrymnan astam joldy ortasha jóndeýden ótkizip, úsh jol aıryǵynyń qurylysyn jalǵastyrý jáne tórt kósheni tesý boıynsha jobalar josparlanýda. Sondaı-aq, «Saryarqa» jáne «Dostyq» metro stansalarynyń qurylysyn aıaqtaý jáne «Qalqaman» stansasynyń qurylysyn jalǵastyrý kózdelýde.
Injenerlik jeliler boıynsha birqatar problemalardy júıeli sheshý úshin «Aqsaı» sý jınaý stansasy, Naýryzbaı aýdanynda kollektor salynatyn bolady. Budan ózge 170 shaqyrym sý qubyry men 145 shaqyrym káriz jelileriniń qurylysy júrgiziledi.