Almaty oblysy qus eti men jumyrtqa óndirýde kóshbasshylar qatarynda. Qus etin eksporttaý sońǵy úsh jylda 2 ese ósken. Bul týraly Almaty oblysynyń ákimi Amandyq Batalov óziniń turǵyndar aldyndaǵy esep berý jıynynda aıtty, dep habarlaıdy Egemen.kz Almaty oblysy ákiminiń baspasóz qyzmetine silteme jasap.
О́tken jyly iske qosylǵan Ile aýdanyndaǵy «NaýryzAgro» jylyna 32 mln dana ınkýbasııalyq jumyrtqa shyǵarsa, Uıǵyr aýdanyndaǵy «OTAN GreenFood» qus fabrıkasy jylyna 30 myń tonna qus etin óndiredi. Etti baǵyttaǵy «Prıma qus» JShS qýaty 37 myń tonna bolatyn qus fabrıkasynyń qurylysyn bastalady.
Amandyq Batalov et óńdeýge qatysty Transulttyq kompanııalardyń qatysýymen júzege asyrylatyn jobalarǵa da toqtaldy. Máselen, «Baýmann» nemis kompanııasy «Jetisý qoı» jobasyn júzege asyra bastaıdy. Bul jylyna 30 myń tonna usaq mal etin tereń óńdeıtin joba bolmaq.
Amerıkalyq «Taıson Fýds» kompanııasy iri qara etin óńdeıtin, qýaty jylyna 500 myń bas mal etin óńdeýge qaýqarly et óńdeý zaýytyn salady. Ol úshin Qapshaǵaı qalasynyń mańynan jer ýchaskesi bólindi.
- Biz bul nysandardy tezirek salyp bitirýi úshin ınvestorlarǵa jan-jaqty kómek kórsetýimiz kerek, - dedi A. Batalov.