Qazir Atyraý oblysynda 8 mektep pen 11 balabaqsha salynyp jatyr. Al bıyl taǵy 3 bilim ordasy men mektepke deıingi tárbıe beretin 6 nysannyń qurylysy bastalady, dep habarlaıdy Egemen.kz.
«Onyń ishinde Atyraý qalasynyń «Kóktem» shaǵyn aýdanynda 160 oryndyq balabaqsha men Inder aýdany Esbol aýylyndaǵy 320 oryndyq mekteptiń qurylysy bar. Bıyl balabaqsha jáne 5 mekteptiń qurylysy aıaqtalady. Nátıjesinde 3 170 búldirshin balabaqshamen qamtylyp, 4 myńnan astam oqýshy jańa mektepke barady» dedi oblys ákimi Mahambet Dosmuhambetov.
Ákimniń aıtýynsha, byltyr mektepke deıin tárbıe beretin 9 nysan ashylyp, 2 mekteptiń qurylysy aıaqtaldy. Sonyń nátıjesinde 1 360 bala balabaqshamen qamtylyp, 1 apatty, 1 úsh aýysymdy mekteptiń máselesi oń sheshimin tapty. Al óńir pedagogtarynyń qatary 309 mamanmen tolyqty.