Nur-Sultan qalasynyń ákimi Altaı Kólginov Instagram paraqshasynda el astanasynda qurylys krandary shyǵaryla bastaǵanyn málim etti, dep habarlaıdy elorda ákimdiginiń resmı saıty.
«Qurylys ındýstrııasyndaǵy otandyq óndirýshilerdi qoldaýǵa baǵyttalǵan «qarapaı̆ym zattar ekonomıkasy» jobasy aıasynda elordada alǵash ret qurylys krandaryn ózimiz shyǵara bastadyq. Buryn munaraly qurylys krandary shetelden ákelinetin, olardy tasymaldaý qymbatqa túsetin.
Búgin elordadaǵy alǵashqy kran jasalǵan sehqa bardyq. Qurylystyń basty draı̆ver ekenin eskersek, otandyq materıaldar óndirý biz úshin óte mańyzdy. Byltyr 3 mln sharshy metr turǵyn úı̆ salyp, paı̆dalanýǵa berdik. Aı̆talyq, 7 myńnan astam áleýmettik páter saldyq, bıyl bul kórsetkishti odan da arttyramyz. Bul salada da óndiristi qoldaı̆tyn bolamyz.
Alǵashqy qurylys krandaryn «Lashyn Faktorı» JShS kompanııasy shyǵara bastady. Bul kompanııa «Astana - jańa qala» AEA múshesi, №1 ındýstrııalyq parkte ornalasqan. Kásiporynda otandyq lıftiler de shyǵarylady. Qazir kásiporyndy keńeı̆tý boı̆ynsha jumys jasap jatyrmyz. Mysaly, osy lıftiler EKSPO kezinde qoldanylyp, memlekettik baǵdarlamalar boı̆ynsha salynǵan turǵyn úı̆ keshenderine de ornatyldy.
Memleket basshysynyń tapsyrmasyna sáı̆kes, ınvestorlarǵa qolaı̆ly jaǵdaı̆ jasap, ınvestısııalyq ahýaldy jaqsartý úshin jumys isteı̆miz. Pandemııaǵa qaramastan, byltyrdyń ózinde 1 trıllıon teńgeden astam jeke ınvestısııalardy tartý múmkin boldy. 111 ınvestısııalyq joba qoldaý tapty. Birinshi kezekte - qala turǵyndary men qalaǵa qajet jobalardy qoldaı̆myz. Olardyń qataryna - ónerkásip, logıstıka, saýda jáne t.b. salalardaǵy áleýmettik nysandar kiredi», dep jazdy qala ákimi.