Sarapshylar jaqyn bolashaqta qarjy naryǵynynda bankter irilenip, bir-birine jutylyp, sońynda 13 banktiń qalatynyn aıta bastady. Bul faktor qarjy naryǵy úshin qalypty jaǵdaı eken. Irilendirilgen bankterdiń ishki naryqtaǵy múmkindigi de joǵary, dep jazady Egemen.kz
Mysaly Qazaqstandaǵy eń iri qarjy holdıngi - Halyk Bank Group-tyń saqtandyrý jáne deldaldyq, lızıng jáne qolma-qol aqsha jınaý salasynda biraz tájirıbe jınaqtap qaldy. Tipti onyń saqtandyrý, brokerlik salasyndaǵy enshiles kompanııalarynyń ishki naryqtaǵy beldi oıynshylardyń qataryna qosyldy.
Táýelsiz sarapshy Azamat Kerimbaevtyń aıtýynsha, saqtandyrý konglomerattary 2020 jyldyń toǵyz aıynda syıaqynyń 86% jınady. Alǵashqy úshtikte - Halyq bankiniń saqtandyrý toby - 27,6%, Eýrazııa toby - 23,4%, Nomad toby - 15,9%. Qalǵan 28 saqtandyrýshy kompanııa qalǵan 11-i naryqtyń tek 14% -yn ıelendi.
Bankterimizdiń básekelestikke beıimdele bastaǵanyn sarapshylardyń bári aıtyp jatyr. Álemdik trend dástúrli bankterdiń fınteh jáne tehnologııalyq kompanııalarmen ıntegrasııalanýyn qalaıdy.
Qarjy naryǵyn retteý jáne damytý agenttiginiń tóraǵasy Mádına Ábilqasymova ótken jyldyń qarasha aıynda bankterdiń jańa qarjylyq qyzmetterdiń keńeıtilgen spektrin, onyń ishinde ınvestısııalyq jáne sıfrlyq banktik qyzmetterdi usynatyn kópfýnksıonaldy qarjy ınstıtýttaryna aınalýy úshin jaǵdaılar jasalatynyn, ekinshi deńgeıli bankterdiń brokerlik qyzmet kórsetý arqyly qor naryǵyna tolyqqandy enýge múmkindik týǵyzatynyn aıtqan.
Sarapshylar bankterdiń qurylymdyq jaǵynan ózgerýi onyń reıtıngine qalaı jaýap beredi degen suraqqa jaýap berýge asyǵar emes. Sarapshy S. Isakovtyń sózimen aıtsaq, olardyń ózgeristerge beımidelýi, baǵyt-baǵdaryn nyǵaıta otyryp, strategııasyn ártaraptandyrýy uzaqqa sozylatyn prosess. Sondyqtan bankterdiń aldaǵy birer jylda reıtıngısin joǵarylatýy nemese tómendetýi qalypty jaǵdaıǵa aınalady eken. Transformasııanyń mundaı túrine jaqsy áser etetin faktor – olardyń turaqtylyǵyn bekemdeýine jáne tabysyn ártaraptandyrýy.
Sondaı-aq, Isakov qazaqstandyq EDB-niń AQSh bankteri sııaqty tolyqqandy ınvestısııalyq bankterge aýysýyn kútpeıtinin aıtty. Tolyqqandy ınvestısııalyq bank modeliniń sátti jumys isteýi úshin, eń aldymen, óte damyǵan qor naryǵy, myqty valıýta jáne myqty ınstıtýttary bar salystyrmaly túrde ártaraptandyrylǵan jáne turaqty ekonomıka bolýy qajet. Qazaqstan osy joldy tańdap alǵanmen, sońǵy nátıje týraly aıtý áli erte kórinedi.
Sonymen qatar, shetel valıýtasyndaǵy depozıtter boıynsha tómen mólsherlemeler ınvestısııalyq ónimge degen suranysty arttyrady, bul «osy naryqtyń ósýine ákelip soǵady jáne mamandandyrylǵan taýashalar úshin, eń aldymen brokerlik kompanııalar úshin tabysty jumys isteýge tamasha múmkindik beredi.
– Jaqynda jarııalanǵan Freedom Holding ınvestısııalyq kompanııasynyń Kassa Nova satyp alýy osy tendensııanyń jaqsy kórsetkishi bolyp tabylady, - dedi Isakov.
Qazaqstan naryǵynda iri ınvestısııalyq bankter paıda bolady dep úmittený áli erte. Keıbir ınvestısııalyq, qarjylyq jáne brokerlik kompanııalardyń sany artyp keledi jáne olar jaqyn bolashaqta kommersııalyq banktermen básekeles bolýy múmkin. Biraq kommersııalyq jáne ınvestısııalyq banktiń damýy evolıýsııalyq prosess, ol birinshi kezekte naryq qajettilikterimen anyqtalady
Shamasy, básekege qabiletti naryq modelin óziniń barlyq qatysýshylary - dástúrli qarjy ınstıtýttary men fıntek-kompanııalarynyń básekelestigimen jáne yntymaqtastyǵymen, bank salasyndaǵy mega-juldyz bankterdiń paıda boýlyna baılanysty.
Bankter tehnologııa álemine kóshken saıyn model túzetilip, ekojúıelik básekelestikke baǵyttalýy múmkin.