Kezinde óner jolyn Almatydaǵy opera jáne balet teatrynda bastap, ulttyq ónerimizdi damytýǵa bir kisideı úles qosqan, al odan keıingi jerde aldymen kósh bastap Astanaǵa qonys aýdarǵan, Elbasynyń úndeýine oraı birqatar jyl týǵan jerinde, ıaǵnı elimizdiń shyǵys óńirinde qyzmet etken respýblıkamyzdyń eńbek sińirgen ártisi, professor Kenjeǵalı Myrjyqbaev jóninde el gazeti «Egemende» az aıtylyp, az jazylǵan joq.
Kezinde óner jolyn Almatydaǵy opera jáne balet teatrynda bastap, ulttyq ónerimizdi damytýǵa bir kisideı úles qosqan, al odan keıingi jerde aldymen kósh bastap Astanaǵa qonys aýdarǵan, Elbasynyń úndeýine oraı birqatar jyl týǵan jerinde, ıaǵnı elimizdiń shyǵys óńirinde qyzmet etken respýblıkamyzdyń eńbek sińirgen ártisi, professor Kenjeǵalı Myrjyqbaev jóninde el gazeti «Egemende» az aıtylyp, az jazylǵan joq.
Kenjeǵalı qaıda júrse de Abaı ánderin nasıhattaýdan tanǵan emes. Onyń repertýarynan berik oryn alǵan «Abaı jáne Pýshkın» atty arnaıy baǵdarlamasyn elimizben birge kórshiles Reseı memleketiniń kórermenderi de qyzyǵa tamashalady. Kenjeǵalı shyǵys óńiriniń mádenıet salasyna basshylyq jasap turǵan shaǵynda oblystyń mádenı oshaqtaryna, sonyń ishinde Abaı elindegi ataqty «Qalamqas» halyq ansambline úlken qamqorlyq tanyta bildi. Al ótken jyly sol atalǵan ansambldiń qurylǵanyna qyryq jyl tolǵanda ózi búginde qyzmet jasap jatqan Astanadaǵy L.N.Gýmılev atyndaǵy Eýrazııa ulttyq ýnıversıtetiniń basshylyǵyna septese júrip, «Qalamqastyń» Elordadaǵy tamasha óner saparyna uıytqy boldy.
Sonyń bárin eskergendikten bolar jýyrda Abaı aýdandyq máslıhatynyń depýtattary ánshi-professor Kenjeǵalı Myrjyqbaevqa «Abaı aýdanynyń qurmetti azamaty» ataǵyn berý týraly biraýyzdy sheshim qabyldady. Soǵan oraı ánshiniń ózi ulylar eliniń qurmetti azamaty ataný men úshin úlken qurmet dep otyr.
Dáýlet SEISENULY.
Shyǵys Qazaqstan oblysy.