2013 jylǵy 26 jeltoqsan, Astana, Úkimet Úıi
Jeńil dıstıllıattardy jáne ónimderdi, kerosındi, gazoıldardy jáne ózge munaı ónimderin áketýge ýaqytsha tyıym salýdy engizý týraly
2008 jylǵy 25 qańtardaǵy Úshinshi elderge qatysty tarıftik emes retteýdiń biryńǵaı sharalary týraly kelisimniń 9-babyna jáne 2009 jylǵy 9 maýsymdaǵy Úshinshi elderge qatysty biryńǵaı kedendik aýmaqta taýarlardyń syrtqy saýdasyn qozǵaıtyn sharalardy engizý jáne qoldaný tártibi týraly kelisimniń 8-babyna sáıkes munaı ónimderiniń ishki naryǵynda múldem jetispeýshilikti jáne baǵanyń ósýin boldyrmaý maqsatynda Qazaqstan Respýblıkasynyń Úkimeti qaýly etedi:
1. Arnaıy benzınderden (KO SEQ TN kody 2710 12 210 0 – 2710 12 250 9) jáne turmystyq pesh otynynan basqa, jeńil dıstıllıattardy jáne ónimderdi (KO SEQ TN kody 2710 12), kerosındi (KO SEQ TN kody 2710 19 210 0 – 2710 19 250 0), gazoıldardy (KO SEQ TN kody 2710 19 420 0 – 2710 19 480 0, 2710 20 110 0 – 2710 20 190 0) jáne ózge de munaı ónimderin (KO SEQ TN kody 2710 20 900 0) áketýge alty aı merzimge tyıym salý engizilsin.
2. Qazaqstan Respýblıkasy Qarjy mınıstrliginiń Kedendik baqylaý komıteti zańnamada belgilengen tártippen osy qaýlynyń 1-tarmaǵynyń oryndalýy boıynsha baqylaýdy qamtamasyz etsin.
3. «Qazaqstan temir joly» ulttyq kompanııasy» aksıonerlik qoǵamy (kelisim boıynsha) zańnamada belgilengen tártippen osy qaýlynyń 1-tarmaǵyn iske asyrý jóninde sharalar qabyldasyn.
4. Qazaqstan Respýblıkasy Ekonomıka jáne bıýdjettik josparlaý mınıstrligi belgilengen tártippen:
1) osy qaýlynyń 1-tarmaǵynda kórsetilgen tyıym salýdyń engizilgendigi týraly Eýrazııalyq ekonomıkalyq komıssııasyn habardar etsin;
2) Eýrazııalyq ekonomıkalyq komıssııasynyń qaraýyna osy qaýlynyń 1-tarmaǵynda kórsetilgen sharalardy Keden odaǵyna qatysýshy basqa memleketterdiń qoldanýy týraly usynystar engizsin.
5. Qazaqstan Respýblıkasy Syrtqy ister mınıstrligi osy qaýly resmı jarııalanǵan kúninen bastap kúntizbelik on tórt kún ishinde Qazaqstan Respýblıkasynyń Úkimeti qabyldaıtyn syrtqy saýda qyzmetin retteý jónindegi sharalar týraly Eýrazııalyq ekonomıkalyq qoǵamdastyqtyń Integrasııalyq komıtetiniń Hatshylyǵyn habardar etsin
6. Osy qaýly 2014 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń
Premer-Mınıstri S.AHMETOV.