Atyraýda koronavırýsqa qarsy vaksına alǵandardyń qatarynda 73 jastaǵy dáriger Marat Esjanov ta bar.
Oblys ákiminiń orynbasary Baqytgúl Hamenovanyń málimetinshe, Atyraýǵa vaksınalaý bastalardan bir kún buryn «Spýtnık V» vaksınasynyń 1000 dozasy jetkizildi. Qazir vaksına Atyraý qalasyndaǵy 16, aýdandardaǵy 8 arnaıy ashylǵan orynda salynyp jatyr.
«Dárigerlermen birge, koronavırýsqa qarsy vaksınanyń ekinshi komponentin aldym. Vaksınasııa azdap aýyrsynýmen qatar júrdi. Biraq birinshi kezeńnen keıin janama áseri bolǵan joq. Vaksına alý – «Covid-19» qaýipti vırýsyn juqtyrmaýdyń basty joly» deıdi Baqytgúl Hamenova.
Koronavırýsqa qarsy «Spýtnık V» vaksınasyn saldyrǵan 73 jastaǵy hırýrg Marat Esjanovtyń aıtýynsha, janama áseri baıqalmapty.
«Men de 1 aqpanda áriptesterimmen birge koronavırýsqa qarsy vaksınanyń birinshi kezeńin aldym. Dene qyzýy, álsizdik, bas aınalý sekildi áserler, basqa da asqynýlar bolǵan joq. Vaksınasııadan keıin 10-15 mınýt dárigerler baqylaýynda boldyq. Keıin kúndelikti jumysymyzǵa kiristik» deıdi Marat Esjanov.