Tennısten Aýstralııanyń Adelaıde qalasynda ótip jatqan halyqaralyq týrnır Qazaqstannyń ekinshi jáne álemniń 28-raketkasy Iýlııa Pýtınseva úshin sátsiz aıaqtaldy, dep habarlaıdy Egemen.kz
Júlde qory 535 530 AQSh dollaryn quraǵan jarystyń tusaýkeser kezdesýinde jerlesimiz WTA tiziminde 53-orynda turǵan germanııalyq Laýra Zıgemýndty 6:4, 6:4 esebimen utqan edi. Ekinshi kezeńde onyń joly aýstralııalyq Storm Senderspen qıysty. Álemdik reıtıngte ózinen áldeqaıda tómen turǵan qarsylasyna Iýlııa Pýtınseva ese jiberdi. Esep – 4:6, 7:5, 1:6. Osylaısha, qazaqstandyq tennısishi úshin jasyl qurlyqtaǵy jarys aıaqtaldy.