Jambyl oblysynda 22-26 aqpan aralyǵynda «Dopıng» respýblıkalyq keń aýqymdy jedel-aldyn alý sharasy bastaldy, dep habarlaıdy Egemen.kz
«Dopıng» jedel - aldyn alý is-sharasynyń alǵashqy kúninde Jambyl oblysy Polısııa departamentiniń qyzmetkerleri túrli esirtki quqyq buzýshylyqtarynyń segiz deregin anyqtady. Olardyń beseýi – asa iri mólsherde esirtki quraldaryn ótkizý maqsatynda jáne ony zańsyz saqtaýǵa qatysty qylmystar, sondaı-aq qoǵamdyq oryndarda esirtkini medısınalyq maqsatta emes qoldaný.
Sondaı-aq, polıseıler eki ákimshilik teris qylyqty: esirtki quraldaryn, psıhotroptyq zattardy, prekýrsorlar aınalymy salasyndaǵy nysandar men úı-jaılardyń tehnıkalyq nyǵaıtylý talaptarynyń buzylýyn, dárilik zattar, medısınalyq maqsattaǵy zattar men medısınalyq tehnıka aınalymy salasyndaǵy farmasevtıkalyq qyzmet qaǵıdalarynyń buzylýyn anyqtady.22 aqpanda zańsyz aınalymnan 670 gramm 19 mıllıgramm gashısh, 1 keli 652 gramm marıhýana, kúshti áser etetin “Prozerın-D” dárisiniń 10 ampýlasy, “Dıgoksın” dárisiniń 10 oramy, aýyrsynýdy basatyn “Tramadol” dárisiniń 13 oramy alyndy.