Bir táýlik ishinde respýblıkanyń avtojoldarynda 155 birlik tehnıka shyǵaryldy, 294 adam qutqaryldy jáne evakýasııalandy, dep habarlaıdy Egemen.kz TJM baspasóz qyzmetine silteme jasap.
«Qazgıdromet» RMK derekteri boıynsha 16 óńirde (Nur-Sultan, Shymkent qalalary, Aqmola, Atyraý, Almaty, Aqtóbe, Jambyl, BQO, Qaraǵandy, Qostanaı, Pavlodar, Qyzylorda, Mańǵystaý, SQO jáne Túrkistan) daýyldy eskertý jarııalandy.
TJM ahýaldyq ortalyǵynda Respýblıkalyq jedel shtab quryldy, oǵan «Qazaqavtojol» JShS jáne «QazAvtoJol»UK AQ qyzmetkerleri kirdi. Osyndaı shtabtar Aqmola, Qaraǵandy, SQO, Qostanaı, Batys Qazaqstan, Atyraý oblystary men Nur-Sultan qalasynda jumys isteıdi. Bul týraly KR TJM resmı ókili Talǵat Ýálı habarlady.
Qazirgi ýaqytta aýa raıynyń nasharlaýyna baılanysty (boran, qar, nashar kóriný, kóktaıǵaq) respýblıkalyq mańyzy bar avtojoldardyń 46 ýchaskesi jáne 14 óńirde 51 oblystyq mańyzy bar ýchaske jabyldy, bul Nur-Sultan qalasy, Aqmola, Aqtóbe, Almaty, Atyraý, Batys Qazaqstan, Qaraǵandy, Qostanaı, Soltústik Qazaqstan, Shyǵys-Qazaqstan, Pavlodar, Mańǵystaý, Túrkistan, Jambyl oblystary.
Beketterde Qostanaı (87 birlik), Jambyl (70 birlik), Qaraǵandy (169 birlik) oblystarynda barlyǵy 316 birlik avtokólik shoǵyrlanǵan.
Jabyq jol ýchaskelerinde halyqty evakýasııalaý úshin 473 jylytý pýnkti daıyn. Qazirgi ýaqytta 138 adam ornalastyryldy: Batys Qazaqstan (5 adam), Qaraǵandy (1 adam), Aqmola (16 adam), Qostanaı (61 adam) jáne Túrkistan oblysy (55 adam).
TJM aýmaqtyq bólimshelerimen 155 birlik tehnıka shyǵarylyp, 294 adam qutqaryldy jáne evakýasııalandy, onyń ishinde 17 bala.
Shuǵyl jumystarǵa TJM, IIM, jol qyzmetteri, JAO barlyǵy 1189 adam jáne 788 birlik tehnıka jumyldyryldy.
Halyqty eskertý maqsatynda aýa raıynyń nasharlaýy týraly 45 SMS-habarlamany taratý júzege asyryldy, «Dármen» mobıldik qosymshasy arqyly 38 habarlama jiberildi.
Ýaqytyly aqparattyq-psıhologııalyq kómek kórsetý úshin Respýblıkalyq jedel shtabta jáne óńirlerde (Nur-Sultan qalasy, Aqmola, BQO, Qostanaı jáne SQO) «Jedel baılanys jelisi» ashyldy.