Amerıkanyń retteýshi organy Johnson & Johnson kompanııasy óndirgen koronavırýsqa qarsy bir komponentti vaksınany qoldanýǵa ruqsat berdi. Vaksınanyń alǵashqy partııasy 1 naýryz kúni jetkiziledi dep kútilýde.
Johnson & Johnson preparatynyń tıimdiligi syrqattyń hali aýyr bolǵan jaǵdaıda 85% kórsetip otyr.
Osy aptada Azyq-túlik jáne medısınalyq preparattardyń sapasyn sanıtarlyq qadaǵalaý basqarmasynyń sarapshylary (FDA) atalmysh vaksınanyń qaýipsizdigine qatysty qorytyndyny jarııalaǵan bolatyn. Olardyń baǵalaýynsha, koronavırýs jeńil túrde ótip jatqan naýqastarda preparattyń tıimdili – 66,1%, syrqattyń aýyr jaǵdaıynda 85% kórsetken.
Osylaısha, AQSh-ta koronavırýsqa qarsy úshinshi preparattyń qoldanysyna ruqsat berilip otyr - Pfizer/BioNTech, Moderna jáne Johnson & Johnson.
Buǵan deıin Johnson & Johnson kompanııasy Amerıka úkimetimen 100 mln doza vaksınany jetkizý boıynsha 1 mlrd dollarǵa kelisim jasasqany habarlanǵan edi.