Bolgarııanyń bas shahary – Sofııada ótken halyqaralyq «Strandja» týrnıri óz máresine jetti. Dástúrli týrnırde óner kórsetken Qazaqstan quramasynyń boksshylary elge bir altyn, eki kúmis jáne úsh qola júldemen oraldy.
Erler jáne áıelder quramasy qatysqan baıraqty básekede el qorjynyna altyn medaldi áıelder arasynda 69 kılo salmaqta judyryqtasqan álem chempıony Valentına Halzova saldy. Al týrnırdiń fınalynda baq synaǵan Angelına Lýkas (51 kg) pen Nadejda Rıabes (75 kg) qarsylastaryna ese jiberip, bıylǵy jarystyń kúmis júldegerleri atandy. Sondaı-aq Karına Ibragımova (60 kg) qola medalge ıe boldy.
О́kinishke qaraı, erler quramasy aýyz toltyryp aıtarlyqtaı nátıjege qol jetkize almady. 8 salmaq boıynsha judyryqtasqan jigitterimiz nebári eki qola júlde enshiledi. Atap aıtar bolsaq, jastar arasyndaǵy Azııa chempıony, byltyrǵy eresekter arasyndaǵy el chempıonatynyń qola júldegeri Beıbarys Jeksen (57 kg) men 2020 jylǵy Qazaqstan chempıonatynyń kúmis júldegeri Nurqanat Raıys (75 kg) úshinshi oryndy qanaǵat tutty.