Búgin Qyzylorda oblysynyń ákimi Gúlshara Ábdiqalyqova órt saldarynan nárestesi qaza bolǵan Tekebaevtar otbasyna baryp, kóńil aıtty.
- Oryn alǵan qaıǵynyń ornyn toltyrý múmkin emes. Jalpy Syr eli úshin bul aýyr qaza boldy. Kózge kóringen balalarymyz aman bolsyn! Alla bererin toqtatpasyn!, - dedi oblys ákimi Gúlshara Ábdiqalyqova.
Qorlardyń bastamasymen halyqtan jınalǵan qarjyǵa órt saldarynan zardap shekken Tekebaevtar otbasyna Araı móltek aýdanynan 6 bólmeli jańa jer úı berildi. Aımaq basshysy úı ıelerin jańa baspanamen quttyqtap, turmysqa qajetti syılyqtar tabys etti.
Eske salaıyq, 2021 jyldyń 18 aqpanynda Ál-Farabı móltek aýdany 13 kóshesi, 11-shi úıde órt oqıǵasy oryn aldy. Atalǵan meken-jaıǵa shuǵyl jetken órt sóndirý bóliminen 3 tehnıka 16 qyzmetker jumyldyryp, tolyq óshirildi.
О́rt saldarynan 2020 jyly týylǵan Tórehanqyzy Ardaq esimdi náreste qaıtys boldy.
Sonymen qatar, anasy 1993 jyly týylǵan Toqbergenova Damıra 1- shi dárejeli kómir qyshqyl gazyna ýlaný jáne sol jaq bilektiń jáne 2 alaqanynyń termııalyq kúıik shalý naqtamasymen qalalyq aýrýhanaǵa jatqyzyldy. Búgingi kúni jaǵdaıy qalypty deńgeıde.
Zardap shekken kópbalaly otbasy ákimdik tarapynan, kásipkerlerdiń qoldaýymen 1 aıǵa jetetin azyq – túlik, mektep qural jabdyqtarymen qamtamasyz etildi.