Dúnıe júziniń boks jankúıerleri qazaqstandyq Gennadıı Golovkın men meksıkalyq Saýl «Kanelo» Alvares arasyndaǵy trılogııany kútip júrgende, «Kanelo» kelesi jekpe-jegin ótkizý úshin otandasymyzdyń ornyna ekinshi orta salmaqtaǵy WBO chempıony brıtanııalyq Bıllı Djo Sondersti tańdady.
Bul týraly Matchroom Boxing promoýterlik kompanııasynyń basshysy Eddı Hırn «Kanelo» men túrkııalyq Avnı Iyldyrym arasynda ótken jekpe-jekten keıin málimdedi. Úsh tujyrym boıynsha ótetin tıtýldy aıqas 8 mamyrǵa josparlanǵan. Biraq boks keshiniń qaı elde ótetini aıtylmady. О́tken jeksenbi kúni «Kanelo» túrkııalyq Avnı Iyldyrymmen jekpe-jekte ózine tıesili chempıondyq belbeýlerdi sátti qorǵady. Meksıkalyq boksshynyń soqqylaryna shydamaǵan Iyldyrym tórtinshi raýndqa shyǵýdan bas tartty.