Bir myń túp tal egildi

«Osydan bes jyl buryn Qazaq­stan­daǵy túrli etnostardyń ókilderin bir shańyraqqa toptastyrǵan sonaý qıyn kezeńderdi eske túsiretin ta­masha mereke paıda bolǵan edi. Ashar­shy­lyq, soǵys jáne qýǵyn-súrgin jyldary biz bir úzim nandy bólisip jep, bir-birimizdiń ultymyzǵa qaramaı dostasa bildik. Táýelsizdik jyldarynda da biz basty baılyǵymyz – beıbitshiligimiz ben yntymaǵymyzdy odan ári nyǵaıta tústik. Al, bul óz kezeginde elimizdiń ekonomıkalyq damýynyń negizi bolyp tabylatyn turaqtylyǵymyzdyń kepili. Árbir azamat ulttar dostyǵyn nyǵaıtýǵa óz úlesin qosýy tıis. Osy oraıda men Alǵys aıtý kúni koronavırýs pandemııasynyń qıyn sátterinde halyqqa kórsetken kómek-qoldaýy úshin barlyq etnomádenı birlestikter men oblys jastaryna alǵysymdy bildirgim keledi», dedi ákim.

Sonymen qatar merekelik sharada Taraz qalalyq ózbek etnomádenı birlestiginiń tóraǵasy Abdýrahman Zaınýtdınov pen Taraz qalasyndaǵy №34 orta mekteptiń dırektory, Dúngen etnomádenı birlestiginiń mú­she­si Dınara Nuralıeva sóz alyp, ege­men elimizdegi beıbitshilik pen ta­tý­lyq úshin alǵys bildirdi.

Alǵys aıtý kúnine arnalǵan sharada etnomádenı birlestikter óz tarapynan 10 shatyr tigip, qolóner jáne «Dostyq dastarqany» ulttyq taǵamdar kórmesin uıymdastyrdy. Kópshilik bir-birin merekemen qut­tyq­tap, dastarqannan dám tatty. Al is-sharada «Qazaq» etnomádenı bir­les­tiginiń músheleri «Qazaq osy» ánin shyrqasa, «О́zbek» etnomádenı birlestiginiń músheleri kópshilikke ulttyq ánderin tartý etti. Sondaı-aq bul kúni Taraz qalasynyń birqatar kóshelerinde tal egý aksııasy bastaý alyp, 1000 túp tal egildi. Atalǵan bas­tama óńir aýdandarynda da jalǵasty.