Shaıbaly hokkeıden Qazaqstan chempıonatynyń sheshýshi raýndyna qatysatyn segiz komanda anyqtaldy.
Pleı-off kezeńiniń sońǵy joldamasyn «Almaty» hokkeı klýby jeńip aldy. El chempıonatynyń kezekti týr oıynyn óz aıdynynda ótkizgen almatylyq ujym merziminen buryn el chempıony atanǵan О́skemenniń «Torpedosynan» basym túsip (2:1), sońǵy joldamaǵa ıelik etti. Qazirgi tańda Vladımır Knıazev basshylyǵyndaǵy komandanyń enshisinde 43 matchtan keıin 62 upaı bar. Eger chempıonat sońyna deıin Rýdnyıdyń «Gornıak» klýby barlyq oıynda jeńiske jetetin bolsa, «Almatymen» upaı sanyn teńestirýi de múmkin. Alaıda qosymsha kórsetkish boıynsha «Almaty» týrnır kestesinde báribir «Gornıaktan» joǵary turady.
Osylaısha Qazaqstan chempıonatynyń pleı-off kezeńinde «Almaty» men «Torpedodan» bólek, «Temirtaý», «Saryarqa», «Nomad», «Beıbarys», «Arlan» jáne «Qulager» komandalary oınaıtyn boldy.