Bul kúnderi Ispanııanyń Kosteleon qalasynda bokstan halyqaralyq Boxam týrnıri ótip jatyr. Elimizdiń birinshi nómirli boksshylary qatysyp jatqan jarystyń alǵashqy kúninde sharshy alańǵa shyqqan úsh qazaqstandyq jeńiske jetip, kelesi kezeńge joldama aldy.
Atap aıtar bolsaq, byltyr 52 kıloda el chempıony atanǵan Sabyrhan Mahmud tusaýkeser kezdesýinde panamalyq Martın Peresten basym tússe, 63 kıloda Olımpıada joldamasyn ıelengen Zákir Safıýllın Marokko ókili Nadır Abdılhakty jeńdi. Sondaı-aq 69 kıloda judyryqtasatyn Abylaıhan Júsipov birinshi aınalymda fransııalyq qarsylasynan myqty ekenin dáleldedi.
Týrnır 6 naýryzda óz máresine jetedi.