Túrkistanda ótip jatqan fýtboldan Qazaqstan Sýperkýbogynyń fınalyna shyqqan komandalar belgili boldy.
Bıyldan bastap Qazaqstannyń kásipqoı fýtbol lıgasynyń bastamasymen uıymdastyrylǵan jańa formattaǵy dop dodasynyń fınalyna byltyrǵy el chempıonatynyń qola júldegeri, Sýperkýboktyń bes dúrkin jeńimpazy «Astana» men 2020 jylǵy birinshiliktiń kúmis medal ıegeri «Tobyl» komandalary shyqty. Alǵashqy jartylaı fınalda elordalyq ujym Qaraǵandynyń «Shahterinen» 2:0 esebimen basym tússe, ekinshi jartylaı fınalda Qostanaıdyń komandasy byltyrǵy Qazaqstan chempıony almatylyq «Qaıratty» oıyn sońyndaǵy penaltı serııasynda jeńip ketti.
Búgin «Shahter» men «Qaırat» komandalary OLIMPBET-Qazaqstan Sýperkýbogynyń úshinshi ornyn sarapqa salady. Al «Astana» men «Tobyl» arasyndaǵy fınaldyq match 6 naýryzǵa josparlanǵan. Aıta keteıik, týrnırdiń jalpy júlde qory 40 mln teńgeni quraıdy (shamamen, 94,7 myń dollar). Al jeńimpaz atanǵan klýbqa Qazaqstan Sýperkýbogy men 25 mln teńge (shamamen 59,2 myń dollar) tapsyrylady.