Naýryzdyń 9-y men 11-i kúnderi Alataý bókterindegi «Shymbulaq» taý shańǵy kýrortynda elimizde tuńǵysh ret frıstaıl-mogýl men frıstaıl-akrobatıkadan álem chempıonatynyń jalaýy jelbireıdi.
Bul – Qazaqstan quramasy úshin 2022 jyly Beıjińde ótetin Olımpııa oıyndary reıtıngtik upaı jınaý úshin berilgen úlken múmkindik. Alǵash 8-9 naýryz kúnderi ótetin álemdik dodada frıstaıl-mogýl boıynsha sportshylar ózara myqtyny anyqtaıdy. Bul synda el namysyn erlerden Dmıtrıı Reıherd, Pavel Kolmakov, Anton Bondarev jáne Sergeı Romanov qorǵasa, áıelder básekesinde Iýlııa Galysheva, Aıaýlym Ámirenova, Olesıa Graýr jáne Anastasııa Gorodko synǵa túsedi.
Al 10-11 naýryz kúnderi frıstaıl-akrobatıka boıynsha ótetin álem birinshiliginde Qazaqstan quramasynan jýyrda ǵana AQSh-taǵy North American Cup týrnırinde top jarǵan Sherzod Hashırbaevtan bólek, Roman Ivanov, Ildar Batrýdınov, Janbota Aldabergenova, Aqmarjan Qalmurzaeva jáne Aıana Joldas óner kórsetedi.