SQO Shal aqyn aýdanynda arsyz alaıaqtyq áshkerelendi. 29 jastaǵy alaıaq ótken jyldyń jeltoqsan aıynda aýdan ortalyǵy Sergeevkanyń bir turǵynynan ápkesiniń jerleýine qatysýǵa baraıyn dese aqshasy bolmaı turǵanyn aıtyp, múláıimsip 50 myń teńge qaryz alyp, taıyp turady. Artynan belgili bolǵanyndaı onyń eshqandaı ápkesi joq eken.
Qańtar aıynda qara jumysshy bolyp bir kásipkerge jumysqa ornalasady. Eki apta jumys istegennen keıin basshysyna anasyn «jerleýge» materıaldyq kómek surap júginedi. Áıeldiń aman-esen ekendiginen eshqandaı habary bolmaǵan kásipker onyń ótinishin jerge tastamaı, 62 myń teńge beredi. Budan keıin kúdikti jumysqa shyqpaǵan.
Atalǵan faktiler Sotqa deıingi tergep-tekserýdiń biryńǵaı tizilimine Qylmystyq kodekstiń «Alaıaqtyq» baby boıynsha engizildi.