Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi (SDIAО́M) domendik ataýlardy paıdalaný men bólýdi damytý jónindegi qaǵıdalarǵa usynystardy qabyldaý týraly habarlaıdy.
Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstriniń tapsyrmasyn oryndaý maqsatynda .KZ jáne (nemese) .QAZ tirkelgen domendik ataýlary bar ınternet-resýrstardy paıdalanýdyń yńǵaılylyǵy men qaýipsizdigin arttyrýǵa baǵyttalǵan Internettiń qazaqstandyq segmentiniń keńistiginde domendik ataýlardy tirkeý, paıdalaný jáne bólý qaǵıdalaryna (Qazaqstan Respýblıkasy Qorǵanys jáne aeroǵarysh ónerkásibi mınıstriniń 2018 jylǵy 13 naýryzdaǵy № 38/NQ buıryǵy) túzetýler ázirleý bastaldy.
Osyǵan baılanysty, árbir qazaqstandyq Internettiń qazaqstandyq segmentiniń keńistigin qorǵaýdy kúsheıtý, domendik ataýdy paıdalanýǵa qatysty óz quqyqtaryn keńeıtý jáne osy saladaǵy qaǵıdalardy jaqsartý boıynsha óz usynystaryn engize alady.
Usynystar 2021 jylǵy 25 naýryzǵa deıin tómendegi tásildermen qabyldanady:
«Elektrondyq úkimet» portalynda elektrondyq túrde; kib@mdai.gov.kz elektrondyq poshtaǵa; poshta arqyly myna mekenjaıǵa: 010000, Nur-Sultan qalasy, Máńgilik El dańǵyly, 8, Mınıstrlikter úıi, 2-kireberis.Jınalǵan usynystar biryńǵaı qaǵıdalarda qalyptastyrylady. Keıin, óz kezeginde «Ashyq NQA» portaly arqyly qoǵamdyq qaraýǵa shyǵarylatyn bolady.
Mazmuny boıynsha usynystar negizdi ári dáleldi bolýǵa, sondaı-aq Konstıtýsııamen kepildik berilgen adam quqyqtary men bostandyqtaryn buzbaýǵa tıis ekenin atap ótken jón.