SQO ákimdigi janyndaǵy Tilderdi oqytý ortalyǵy Jambyldyń 175 jyldyǵyna oraı uıymdastyrǵan onlaın-baıqaýda Petropavl qalasy PB aǵa serjanty Serafıma Okısheva bas báıgeni jeńip aldy, dep habarlaıdy Egemen.kz
Ol mektep qabyrǵasynda júrgen kezinen bastap qazaq tilin úırenýge qyzyǵýshylyq tanytqan. Alǵan bilimi óz nátıjesin berdi, búginde ol eki tildi jetik meńgergen, is qaǵazdaryn memlekettik tilde kásibı túrde júrgizedi.
Baıqaýǵa qatysý úshin Serafıma Okısheva jyr alybynyń «Lenıngradtyq órenim» óleńin naqyshyna keltirip oqyǵany jazylǵan beınerolık jiberdi. «Lenıngrad qorshaýyn basynan ótkergen batyrlardyń urpaqtary áli kúnge deıin «Qart Jambyldyń» rýhty óleńin qurmet tutady. Aqynnyń bul óleńin súıip oqımyn», deıdi Serafıma.
Ádilqazylar Serafımanyń óleń oqýdaǵy til tazalyǵyn, tereńdigin baǵalady. SQO PD bastyǵy, polısııa polkovnıgi Marat Tólebaevtyń aıtýyna qaraǵanda jeke quramnyń memlekettik tildi meńgerýge degen umtylysy jan-jaqty qoldaý tabýda. Qyzmetkerlerge arnalǵan sabaqtar turaqty ótkiziledi. Ishki jáne syrtqy kommýnıkasııalar bólimi qazaq tilin nasıhattaýǵa baǵyttalǵan is-sharalardy uıymdastyrýda.
Soltústik Qazaqstan oblysy