Shyǵys Qazaqstanda aýdandyq máslıhat depýtattarynyń kelisimi boıynsha, aımaq basshysynyń ókimimen Kókpekti aýdanynyń ákimi bolyp buryn Glýbokoe aýdany ákiminiń orynbasary qyzmetin atqarǵan Radjan Seıtqanov taǵaıyndaldy, dep habarlaıdy Egemen.kz.
Jańa ákimdi aýdan aktıvine Danıal Ahmetov tanystyrdy.
Radjan Qaıyrqanuly Shyǵys qazaqstan oblysy, Katonqaraǵaı aýdany, Katon aýylynda dúnıege kelgen. 2008 jyly Almaty energetıka jáne baılanys ınstıtýtyn ınjener mamandyǵy boıynsha bitirgen. 2015 jyly Almaty ekonomıka jáne statıstıka akademııasyn bitirip, ekonomıka jáne bıznes bakalavry atandy.
Eńbek jolyn 2009 jyly "ShQ AEK" AQ jabdyqtardy jóndeý jónindegi elektr slesari bolyp bastaǵan. Odan ári sý qubyry-káriz jelileri qyzmetiniń bastyǵy, Rıdder qalasy ákimdiginiń "Infroservıs" MKK bas ınjeneri bolyp jumys istedi.
2012 jyly Semeı qalasyndaǵy "Bastaý-Semeı" JShS bas energetıgi, Glýbokoe aýdanynyń qurylys, sáýlet jáne qala qurylysy bóliminiń mamany bolyp jumys istedi. Glýbokoe aýdany ákimdiginiń "Teploenergııa" MKK dırektorynyń mindetin atqardy.
2014-2015 jyldary Katonqaraǵaı aýdanynyń mádenıet jáne tilderdi damytý bóliminiń ınspektory, jetekshi mamany, basshysy laýazymdarynda qyzmet atqardy.
Odan ári Katonqaraǵaı aýdany ishki saıasat, mádenıet jáne tilderdi damytý bólimi basshysynyń orynbasary, Katonqaraǵaı aýdany, Katonqaraǵaı aýyldyq okrýgi ákiminiń orynbasary, sondaı-aq Glýbokoe aýdany, Glýbokoe kentiniń ákimi qyzmetterin atqardy.
Osy ýaqytqa deıin Glýbokoe aýdany ákiminiń orynbasary bolyp jumys istedi.