Altyn quımalaryn týǵan kúnge ne toıǵa syılaý, nemerelerge mırasqa qaldyrý dástúrge aınala bastady, dep jazady Egemen.kz
Negizi altyn ýnsııa boıynsha ólshengenmen, qazaqstandyqtar ony grammen ólshep úırengen. Mundaı syılyqtyń artyqshylyǵy – satyp alǵannan keıin de qundylyǵyn joǵaltpaıdy. Basqa syılyqtardan aıyrmashylyǵy, qolma-qol aqsha alý úshin ony qaıtalama naryqta satýdyń qajeti joq, bankke kelip, naryqtyq baǵasymen qaıta satýǵa múmkindik bar. Al kásipkerler úshin ınvestısııalyq senimdi sheshim, kapıtaldyń saqtalýyn kepildendiretin tabys quraly.
Ulttyq bank tórt jyldan beri álemdik naryqtaǵy altynnyń qunyn esepke ala otyryp, kúndelikti quımalardyń baǵasyn jarııalap keledi. 2021 jylǵy qańtar aıynda ǵana el turǵyndary ekinshi deńgeıli bankterden jáne jekelegen aıyrbastaý pýnktterinen jalpy salmaǵy 111,5 keli turatyn 2 myń 414 quıma satyp alǵanyn Ulttyq bank osyǵan deıin habarlaǵan.
2020 jyly salmaǵy 890 keli tartatyn 21 myń 99 dana quıma satylypty.
Bul 2019 jylmen salystyrǵanda ósim 34%-ǵa kóp.
Esterińizde bolsa, Ulttyq bank 2017 jyldan bastap tazartylǵan altyn quımalardy satý jáne satyp alý baǵdarlamasyn iske qosty. Bes jyldyń ishinde salmaǵy 1,68 tonna bolatyn 44 myń 993 dana altyn quıma satyldy.
Bul rette ótkizilgen altynnyń basym kópshiligi naryqqa keri qaıtpaıdy eken: Qazaqstandyqtar 4 jyl ishinde nebary 3,5 keli bolatyn 133 quımany bankter men aıyrbastaý beketterine qaıta satqan. 2021 jyldyń basynan beri tek eki adam ǵana 50 gramdyq 2 quımany keri ótkizdi. Demek, kúni búginge deıin satyp alynǵan altyn quımalarynyń qalǵan bóligi – halyqtyń qaltasynda jatyr. Dál qazir eklnomıkaǵa altynnyń jekeniń sandyǵynda emes, aınalymda júrgeni jaqsy.
Ulttyq banktiń tuspaldaýynsha, «qazaqstandyqtar quımalardy uzaq merzimdi ınvestısııalaý úshin alyp, ony úıinde saqtaýǵa múddeli», demek hadyqtyń bir bóliginde altyn jıǵan –tergenin qunyn joǵaltpaı saqtaýǵa múmkindik beretin ınvestısııalyq qural degen túsinik qalyptasyp qalǵan. Bul naryq zańyna kereǵar zań bolǵandyqtan, Ulttyq bankti de alańdata bastapty. 2017 jylǵa deıin aınalymǵa shyqqan altyn quımalaryna shekti baǵa qoıǵan sebebi de osy.
Erbolat Dosaevtyń ujymy óziniń 2019 jylǵy 4 sáýirdegi «QR qolma-qol shetel valıýtasymen aıyrbastaý operasııalaryn uıymdastyrý qaǵıdalaryn bekitý týraly» №49 qaýlysyna ózgerister men tolyqtyrýlar engizetin jańa qaýly jobasyn ázirlep, aıyrbastaý pýnktterine jeke kýáligin usynbaǵan adamǵa altyn satýǵa tyıym salyndy. Bıyldan bastap Bas bank tarapynan altyn satýdy baqylaý kúsheıtilmek. Aıyrbastaý pýnktteri budan bylaı árbir ótkizgen altyn quımasy týraly egjeı-tegjeıli málimetterdi tıisti nysan-formaǵa toltyryp, Ulttyq bank shyǵarǵan «Affınırlengen quıma altynmen operasııalardy esepke alý elektrondyq jýrnalynda» esepke qoıýǵa tıis.
Ulttyq bank ókili Jomart Qajymuratovtyń málimetinshe, Ulttyq bank «arnaıy oraýy buzylǵan, sondaı-aq eski úlgidegi affınırlengen quıma altyndy keri satyp alýdy» bastaıdy. Eger áldebir tulǵa, bıznesmen 2017 jylǵa deıin satylǵan altyn quımasyn alyp kelse, aıyrbas beketi ony basqa klıentke sata almaıdy. Altyn quımasymen birge ony satqan adamnyń deregi de UB-ǵa jiberilip, onyń nomınaldy qunynyń 10%-ynan aspaıtyn komıssııalyq syıaqyny derbes belgilenedi.
2017 jyldan keıin shyǵarylǵan jańa altyn quımalardy Halyk Bank, Eýrazııalyq bank, Jýsan Bank jáne SentrKredıt bankinde, sondaı-aq banktik emes aıyrbastaý pýnktterinde satyp alýǵa jáne satýǵa bolady.